2356/2025-2026

Siaha, 24th November 2025 : Vawiin khan Union Minister of State for Agriculture and Farmers' Welfare, Shri Ram Nath Thakur chuan 'Poorvottar Sampark Settu Programme ' hnuaia hnathawh hrang hrangte enfiahin Krishi Vigyan Kendra (KVK) Siaha a tlawh a.

Dr. H Vanlalhmuliana, Sr. Scientist & Head, KVK Siaha leh thawktuten an lo dawngsawng a ni.

Shri Ram Nath Thakur chuan kalkhawmte hnena lawmthu sawina a nei hmasa a. KVK, Siaha hnathawh leh hmalakna fakawm a tih thu tarlangin, theihtawp chhuah zel turin a chah a. Lo neitute hamthatna tura thawktu an nihna hre reng tura chahin, an rawngbawlna tha taka hlen turin a fuih a. India ram chu lo neitu tamna a nih angin, sawrkarlaipui pawhin lo neitute hamthatna a ngaipawimawh hle tiin, an tan theihtawp a chhuah thin a ni, a ti. Union Minister chuan KVK hmasawnna zelna tura theihtawp a chhuah tur thu a sawi a . Pu Ram Nath Thakur chuan ' Best Innovative Framers Award-semna neiin, KVK - ten Stall an buatsaih chu a en nghal bawk a ni.

Dr. H Vanlalhmuliana, Sr. Scientist & Head, KVK Siaha, chuan hun kairhuaiin, Don Bosco School, Siaha ten hnam lam an entir a. Dr. H Vanlalhmuliana chuan KVK dinhmun tlangpui leh hmalakna kal mek te report pekna neiin, lawmthu sawiin hun a khar a ni.

 Pu Ram Nath Thakur chuan District Hospital, Siaha pawh tlawh nghalin, Dr. C. Lalrosanga, Medical Superintendent - leh a thawhpui ten an lo dawngsawng a ni.