271/2025-2026

AIZAWL; 22^nd April. 2025: Vawiin chawhnu dar 1:00 khan Hon’ble Home Minister Pu K.Sapdanga chuan Central Jail a tlawh a. Pu R.Vanlalsawta, IG Prison, Pu Laldingliana chinzah Special Superintendent leh Jail staff ten an lo dawngsawng a. Home Minster hian Central Jail chhunga Ward hrang hrang bakah workshop, ICTC, Library, Hall etc. te a fang chhuak vek a. Central Jail-a cheng nuai ₹ 90.23 senga Ward sak thar(C Ward), tang (prisoners) 70 vel awm theina tur chu a hawng nghal bawk.

Central Jail a tlawh zawh hnuah hian Home Minister chuan hmeichhe Jail (Central Women’s Jail), Central Jail bula mi chu tlawh lehin, Ward hrang hrang a fang leh bawk a ni.

Central Jail hi 15.9.1986 kum a commission tawh kha a ni a, a building te a hluiin, a chhe tawh hle a. Tunah hian SASCI Part I hnuai atangin cheng vaibelchhe ₹13.925 senga sak that turin ruahmanna chak taka kalpui mek a ni. Home Minister leh Concern dept. Officials-te chuan Jail thiah huna tang (prisoners) te awm lailawkna lo ruahman dan tur te sawi hovin, an thlir ho nghal bawk a ni.

Vawiina Home Minister in Central Jail a tlawhna-ah hian Pu K.Lalthawmmawia, IAS, Commissioner & Secretary, PWD, Pu Vanlalmawia Renthlei, Secretary, Home, Pu R.Vanlalsawta, IG Prison, Pu Hrangthanga Zote, CE,PWD( Building), Pu Andrew H.Vanladika, Addl. Secretary, Home leh Pi Lalchhandami, Chief Architect, PWD(Building) te bakah officials dang ten an tawiawm a ni.

Tunah hian Central Jail-ah hian tang (Prisoners) 854 an awm mek a. Lifer-56, Under Trial Prisoner(UTP)-457,RI Convict-263 leh SI Convict-78) te an ni.

Central Women’s Jail-ah hian tang (prisoners) 132 an awm mek thung a. Lifer-Nil, Under Trial Prisoner(UTP)-96,RI Convict-23, SI Convict-6 leh Naupang-7 te an ni.