Lunglei-a Private Hospital hmasaber ‘HOPE HOSPITAL’, Lunglei Chanmari Pu R.Lalthanmawia building-a mi chu hman theih tura peihfel a ni tawh a, vawiin khan damdawi in hmunhmate a hmun ngeiah chanchinbumiten an enpui a ni. Hospital Board of Director aiawhin Dr.Sangzuala chuan thu sawiin he damdawi in hi sumdawnna ringawt atan din a ni lova; mirethei leh chanhaite zawkte tan a din a ni, a ti a. Health Care System a that loh chuan ramin hma a sawn thei loh tur thu a sawi bawk. Mizoram chhimlam chu a bik takin malaria ah a sang a, chhim mite hrisel zawk nan he damdawiin hi din a ni a, an chhawr tangkai theihna tura senso hniam thei ang bera damlo enkawl chu an tum thu a sawi bawk. He damdawi in hi karleh atanga hman theih tura ruahman mek a ni a. Doctor thiam ten enkawlin Nursing Superintendent 1, Staff Nurse 8, Laboratory Technician 1 telin an vaiin thawktu 30 vel an awm dawn a.Tun dinhmunah hian Cabin 4 telin khum 13 an awm a, peihfel a nih hunah khum 40 vel awm thei tura beisei a ni. Vawiin chanchibumite damdawi in an tlawhnaah inkhawm tawi neih a ni a, Pu Sanghlira. Colbert, Board Chairman-in a kaihruai a, Rev. R.Lalbiakliana’n Pathian hnen a hlanna hun a nei bawk.