No.603/2021-2022

Lunglei 20th May 2021 : Mizorama dawnfawh chi tha thar tam Saitual District-a Lamzawl khua te thar chhuah chu inkharkhip avanga a hralhna an buai avanga sawrkarin hma a lak sak hnuah Horticulture Department te puih nain vawiin khan Lunglei phurh thlen a ni.

Lunglei DHO Pu Lalvansanga chuan heng dawnfawh te hi an Department hmalaknaa kuthnathawktute chin tir an nih angin a hralhna lamah hlep pawh awm chuang lovin kuthnathawktute an pui tih a sawi a, tun tumah hian Dawnfawh 1413 Lungleiah phurh thlen niin Kg ah cheng 50 zel a thartuten an chhiar sa angin cheng 50 bawkin VLTF hrang hrangte hnenah an pe chhuak a ni. Naktuk bazar ni hian mipui lei theih tura VLTF ten an phochhuah tur thu Lunglei DHO chuan  a sawi bawk.