2323/2022-2023
Aizawl, 14th October, 2022 : Horticulture Development Board Vice-Chairman Prof. F. Lalnunmawia, MLA chuan vawiin khan a bial chhunga Melriat khuaah Rurban scheme hnuaia sak Futsal khelmual a hawng. Rural Development Minister Pu Lalruatkima leh RD department hotulian ten he hun hi an hmanpui a ni.

He Futsal Ground hi SPMRM (Rurban) Scheme leh MGNREGS tangkawpin cheng nuai 20 (15+5) senga sak niin, implementating agency chu BDO, Aibawk RD Block a ni a. A dung 118 ft, a vang 62 ft niin, October, 2011 khan sak tan a ni a, March, 2022 khan sak zawh a ni. A chhuat hi cement concrete chhun niin uluk taka zut mam a ni a, fencing feet 10 a sangin huap chhuah tir niin, zan lam thleng pawha khelh theih turin Light System-a thuam a ni bawk.