3187/2023-2024

Dated Serchhip, the 28th December, 2023: Vawiin khan Horticulture Minister Prof. Lalnilawma chuan Serchhip Zuangleng ram, Mat phaia thlai chin lama hmalakna hmunpui tur Horticulture Centre of Excellence for Vegetables hmun tur a tlawh.

Minister hian a hmunhma te a felfai in a rem a, hmunhma sawngbawl chiam lova hma lak mai theih niin a hria a, thil tul hmasa te enin, Centre chhunga inkalpawhna kawng leh ram hung dan turte, ni zung chakna hmanga tui hip chhuah dan turte pawh hmalak theih ni a a rin thu sawiin, hmalak a phur awm a tih thu a sawi a ni.

He hmun atang hian thlai tiak hrisel tha kut hnathawktute chin tur kui tiah bakah kuthnathawktute leh zirlaite trainingna hmun turte siam tum a ni a, tangkai taka hman tum a ni.

Hei bakah hian Zawlpui phaia thlai chingtute an huanah a tlawh nghal a, kuthnathawktuten an hnathawh dan leh an mamawhte lo thlenin inkawm hona hun an hmang a ni. Mat phaia Zawlpui atang hian Mizoram thlai thar chhuah zahve vel lai an thar chhuak thin a ni.

Minister hi Horticulture Director Pu C.H. Lalmuanpuia leh hetiang lama thiam bik senior officer pali in an tawiawm a. Pu R. Lalrintluanga, DHO Serchhip leh a thawhpui ten an lo dawngsawng a ni.