1072/2025-2026
Vawiin khan Horticulture Minister Pu C Lalsawivunga’n Chhingchhipa MIFCO hmunpui a tlawh a. Pu C Lalremliana, KVI Board Chairman leh Pu Lalthazuala Rawite, MIFCO Chairman ten an tawiawm a ni.
Minister hian MIFCO hmunpui te hi chipchiar takin a fang a. Handholding hnuaia sawhthing sawngbawlna khawl hnathawh dan te a en nghal bawk a. MIFCO hmunhma tangkai zawka hman dan tur te enfiahin thawktute dinhmun leh harsatna tawh dan te a hnenah an lo thlen a ni.
Horticulture Minister Pu C Lalsawivunga chuan Horticulture crop hrang hrang - sawhthing, lakhuihthei, sapthei leh a dang te sawngbawltu MIFCO chu Horticulture Department nen thawhhona tha tak neia kal chhoh dan ngaihtuah a tul thu a sawi a. Kut hnathawktute tana thawk an nih angin an hmunhma te hmang tangkai a, ngaihtuahna zau zawk senga, intihchak tawn dan ngaihtuah a tul thu a sawi a ni.
MIFCO Chairman pawhin staff te dinhmun a ngaih pawimawhzia sawiin hlawh an lak hleihtheih loh chinfel dan an ngaihtuah thu te, sawrkar hmalakna zarah kum kalta atangin
mumal zawka hlawh an la thei ta chu lawmawm a tih thu a sawi a. MIFCO hnathawh leh hmalakna te, loneitute tharchhuah sapthei lei khawla sawngbawl chungchang te, meat processing an kalpui dan te, sum leh pai harsatna an chinfel chhoh mek dan te a sawifiah a ni.
MIFCO chuan Chhingchhip hmunah petrol pump siam tumin hma an la a, phalna pawh hmuh fel tawh niin a hmunhma an laihzawl te Minister Pu C Lalsawivungq hian a tlawh a ni.
Minister hi Horticulture Director Pu CH Lalmuanpuia, Horticulture leh Information Department official ten an tawiawm a ni.
