No.6144/2020-2021
Vawiin khan High Powered Committee (HPC) Lunglei hmalakna peng pakhat ‘HPC Educational Initiative Programme’ chu HPC Office Conference Hall-ah Vice Chairman Pu Lawmawma Tochhawng hovin hman a ni. He hunah hian Lunglei District huamchhunga zirlai ti tha mi pasarih (7) chawimawina hlan an ni a. ZoCareer Solutions Founder & MD Pu Lalhruaitluanga chuan zirlaite leh an chhungte leh zirtirtu sawm bik te zirtirna pein Career Guidance a neih pui bawk.
Zirlai ti tha mi pasarih (7) te hnenah chawimawina hlanin HPC Vice Chairman Pu Lawmawma Tochhawng chuan an kal zelna turah duhsakna a hlan a; tum mumal tak neia lehkha zir chhunzawma, chhungkua, khawtlang leh ram tana chhawr tlak nih tum ngei turin a chah a. Zirna uar kawngah leh mithiam chhawr tlak chherchhuah kawngah te High Powered Committee (HPC) Lunglei chuan ke a pen zel dawn a, hemi kawnga hma la tur hian HPC Education Sub Committee din niin HPC Lunglei Educational Initiative Programme chu uar taka kalpui chhoh tum mek anih thu HPC Vice Chairman chuan kalkhawmte a hrilh.
Vawiin program hi HPC Member leh HPC Education Sub Committee Chairman ni bawk Pu Lalrotluanga’n a kaihruai a. Lunglei HPC Member-te, sawrkar official-te, Zirna In hotute, MZP leh MSU hruaitute an tel a ni. Chawhnu lamah ‘Career Guidance Programme with Special Focus on NEET&JEE Entrance Exam’ chu Pu Lalhruaitluanga, ZoCareer Solutions Founder & MD hovin neih chhunzawm a ni.
Vawiin ‘HPC Educational Initiative Programme’ hnuaia zirlai chawimawi te:
Sl No. | Name & Address Of student | Name & Address of School/College/Univ | Name of Examination | Result | Cash Incentive (in Rupees) |
1. | K.Lalruatkimi Bazarveng Kikawn Lunglei | Sacred Heart School, Lunglei
| HSLC (MBSE) | 9th position | 10,000 |
2. | P.Lalrinsangi Venglai, Lunglei | Holy Faith School, Lunglei | HSLC (MBSE) | Highest Mark in Maths | 5,000 |
3. | Lalhriatpuia ralte Chanmari, Lunglei | St. Joseph HSS, Aizawl | HSSLC (MBSE) | 1st Position (Commerce) | 10,000 |
4. | Esther Lalbiaknungi Zotlang, Lunglei | Baptist Higher sec, School, Lunglei | HSSLC (MBSE) | Highest Marks in Physics | 5,000 |
5. | Zoremsangi Sailo Venglai, Lunglei | Sacred Heart School, Lunglei | HSSLC (MBSE) | Highest Marks in Geography | 5,000 |
6. | Joan Laldinpuii Salem, Lunglei | Mizoram University Tanhril | MSc (Maths) | 1st Position | 10,000 |
7. | Lalrinkima Ralte Serkawn, Lunglei |
| Joint Adm test for Masters (JAM) | Admission to IIT, Hyderabad | 10,000 |
Attachment
- Loading attachment...
