Lunglei District High Powered Commitee Vice Chairman Pu Joseph Lalhimpuia chuan nimin khan a bialchhunga Motor luh theihlohna khua, Old Ralvawng chu ke hlira 8 Km. kalin lehlangin a tlawh. Bialtu MLA hi khawtlang mipui ten an lo hmuaka, amah lo hmuaktu mipuite hma-ah thu sawiin, inthlan dawna kan in tiam tawh ang ngeiin, kan sawrkar chhung ngei hian, Chief Minister thahnemngaihna avangin Old Ralvawng ah hian Power supply thlun luh hman a ni ang a ti a, hei bakah hian Old Ralvawng a Primary school leh Middle school naupang ten inthiarna tur an neih loh avangin a sakna tur Rs. 50,000/- HPC Vice chairman hian a pe bawk a, Middle School leh Primary School naupang te tan chawlhkhar hnih chhungin School Bag lei sak vek an nih tur thu a sawi bawk a ni.
Pu Joseph Lalhimpuia chuan, sawrkarin zirna In tha tak leh zirtirtu tha tak tak a pek te chu Old Ralvawng khawtlang chuan hmang tangkai se a duh thu sawiin, zirna hi mahni tan mai bakah ram leh khawtlang tan a tangkai a ni a ti a, he khawtlanga naupang lehkha zir velo an la awm chuan a rilru a tihnat thu sawi bawkin, naupang Nu leh Pa te pawhin ngaihtuahna thar pu sela an fate leh an khawtlang hmakhua thlira naupang te lehkha an zirtir ve ngei a beisei thu a sawi bawk. Hei mai bakah hian sawrkar hmalakna kawng hrang hrang chhiarpui leh thil dangah la in ziaklut ve duhlo chhungkua te pawhin ngaihtuahna thar an put a beisei thu sawiin sawrkar chu mipuite ta a nih ang taka tha taka tawiawm tur leh sakhuana avanga ngaihdan hrang sawrkar hmalakna tawiawm theilo zawnga awm chu khua leh tui tha tihdan tur nilo a a hriat thu Pu Mahima chuan sawi bawkin, ngaihtuahna thar nen hmalam kan thlir a tul tawh tak zet a ni a ti bawk. Pu Mahima hian Ralvawng khawtlang tan hian Silpouline 4, Volleyball leh Football bakah Net a pe nghal bawk a ni.
