HPC Vice Chairman Pu Joseph Lalhimpuia chuan tukin zing khan Lunglei Electric veng a Slaughter House sakna tur hmun a en a, AH & Vety Deptt. a Engineer ten an tawiawm.
He Slaughter House hi AH & Vety Deptt in NABARD Loan atanga sak tur a ni a, Rs Nuai 250 a senna tura ruahman a ni. Tunah hian Main building leh thil tul dang sakna tur hmun laihzawl tawh a ni. HPC Vice Chairman chuan he lai hmun a sa talh tur reng reng hi Vety Doctor ten an endik hmasak phawt hnuah talh chauh tur anih avangin Lunglei mipui ten bawng leh vawksa thianghlim zawk kan ei theihna tur a ni a, Lunglei mipui te kan vannei dawn hle a ni a ti.
Slaughter House-ah hian main building Ft 60x50 a zau a sak a ni dawn a, heibakah hian Vawk talhna tur(Cirage) 36x15 ft a zau sa in Machine House, Triperry, ETP, Chowkidar Quarter, Butchers’ Inn, Animal Shelter, RCC Water Tank leh Toilet pawh sak tur a ni. Tun dinhmunah hian a hmunhma lai zawliin a panna kawng laih tawh a ni a, Electric Power pawhluh tawh a niin karleh lam atang chuan kutthlak theih tawh tur a ngaih a ni.
