Ni 30 September, 2014 atanga tan, All Mizoram Karate Association (AMKA) Lunglei huaihawt ‘13th Inter-District Karate Championship’ chu vawiin khan Zotlanga Indoor Stadium, Lunglei-ah a kharna inkhawm hman a ni a, HPC Vice-Chairman Pu S.Laldingliana chu Khuallian niin he hun hi a hmanpui a ni.

13th Inter-District Karate Championship kharna inkhawm Organising Board Chairman Pu Thanghmingliana Renthlei kaihhruaiah Khuallian Pu S.Laldingliana chuan Mizoram pum Karate inelna Lunglei-ah nghaha a nih theih chu a lawmawm hle a ni, a ti a. Sports hi Mizote chem kalna zawng tak a nih laiin a bik takin Contact Sports-ah hian Mizote chu an che tha deuh tlangpui a ni, a ti bawk. Sorkarin infiammite hmakhua ngaiin Sports hmasawnna tur kawng hrang hrangin hma a la mek zel a, kum 2016 Olympics-ah phei chuan Sports Discipline 9 emaw 10 emaw talah Mizo infiammite ram aiawha an chhuah ngei theihna turin training ngawrh taka pek an nih mek thu a sawi a. Lunglei-ah Karate zirna hmun ‘Dojo’ a la awm lo chu hriain Khuallian chuan Thuamluaia Mual sirah ‘Dojo’ tur sak a ni ang, a ti bawk. 13th Inter-District Karate Championship atana tangkaia taka hman turin Pu S.Laldingliana chuan Rs.10,000/- a pe bawk a ni.

AMKA Gen. Hqrs. President Pu C.Dosavunga pawhin thusawiin he Championship chhimtute zawng zawg AMKA hmingin chibai a buk a. Mizoram Sports Dicipline zawng zawng zingah AMKA chuan ‘Best Discipline’ lawmman a lak thu tarlangin AMKA chu All India Karate Federation (AIKF), Karate Association of India (KAI) leh North East States Karate Federation of India (NESKFI) te nen affliated a nih thu a sawi bawk. Karate chu sipai leh police training -naah contact sports zirtir awmchhun a ni tiin Mizoram-ah pawh police-te training nan hman theih nise a duh thu a sawi a. Hmanni lawka Sipai Office-a tling Nl.Babie Lalduhsangi pawh AMKA hnuaia karate player a nih thin thu a tarlang bawk a ni.

13th Inter-District Karate Championship-ah hian AMKA Affliated District 6 atangin players 162 - Mipa 119, Hmeichhia 43 - an tel a; Officials 26 nen he Championship-a tel zawng zawng chu mi 188 an ni. Championship Over-All Result te chu a hnuaia mi ang hi a ni :

1. Team Champion : 1st - Aizawl District, 2nd - Lunglei District, 3rd - Serchhip District

2. Best Fighter (Boys) : Vanlalthlamuana, Aizawl District

3. Best Fighter (Girls) : PC Vanlalruati, Aizawl District

4. Most Promising (Boys) : Lalruatmawia, Aizawl District

5. Most promising (Girls) : Marina Zorimawii, Lunglei District

6. Best Discipline : Serchhip District

13th Inter-District Karate Championship-ah hian AMKA Gen. Hqrs. atangin an hruaitu engemawzat an tel a, chungte chu :

1. Pu C.Dosavunga, President : Ani hi AMKA-a a nihna bakah AIKF-ah Jt. Secretary, KAI-ah Jt. Secretary leh NESKFI-ah Gen. Secretary post-te a chelh mek bawk a ni.

2. Pu R.Zomawia, General Secretary : Ani hi NESKFI-ah Jt. Secretary post a chelh bawk a ni.

3. Pu C.Hmingthangvunga, Secretary, AMKA

4. Sensei J.Laldawngliana, Financial Secretary, AMKA

5. Pu VL Peka Zote, Executive Committee Member, AMKA te an ni.