Vawiin khan YMA Sub Hqrs Hall-ah Writers' Club Lunglei (WCL) chuan 'Mi Hmingthate Chawimawina' hun an buatsaih a, HPC Vice-Chairman Pu S.Laldingliana chu Khuallian a ni. Vawiina Writers' Club Lunglei ten he huna an chawimawi te chu Pu R.K. Lalhluna Padmashree leh Dr. Sangthankima, TNT Founder te an ni.

Chawimawina Inkhawm Writers' Club Lunglei President Pu T.Lalzika kaihhruaiah Khuallian Pu S.Laldingliana chuan Mizote kan changkan ve tawhna kawng pakhat chu chawimawi tlak leh phu te chawimawina chang kan hriat hi a ni, a ti. Writers' Club-in Mizoram pumhuap pawha mi hmingtha Pu RK Lalhluna leh Dr.Sangthankima te an chawimawi hi a lawmawm hle a, Mizote tana an hnathawh hi a ropui tak zet a ni, a ti bawk. Pathian pawhin mi tha chu chawimawi a phalin a duh thin a, an damlai ngeia chawimawi phute kan fak leh chawimawi hi a hlu zual a ni, a ti.

Khuallian Pu S.Laldingliana chuan Padmashree RK Lalhluna hnenah chawimawina thilpek a hlan nghal a; amah tawimawmtu a nupui Pi Lilypari Sailo chuan TNT Founder Dr.Sangthankima chawimawina thilpek chu a fapa Lalsangzuala hnenah a hlan thung a ni.