Tukin zing dar 12:15am khan Mizoram Police-te chuan an thu dawn bawhzui in Hmarkhawlian/Lakhipur a hma an lakna-ah, a hnuaia HPC (D) mi leh sa te hi an man :

(i) S/s Sgt Lalchuailova (36) @ LC Hmar S/o Thuamliana Lungthulian,Manipur.

(ii) S/s Pte Reuben Lalromawia (19) S/o Samuel Saipum, Mizoram.

Hriat theih chin-ah Reuben Lalromawia hi tun kum March ni 28-a, ML A leh a hote Zokhawthiang bula ambush na leh kum 2014, November ni 25 a Tinghmun khawdai a kawnglai camp suamna a tel ngei ni a hriat a ni. Lalchuailova hi tun kum March, ni 5 a Khawlian 2nd IR Camp kahna a hotu ber ni a hriat a ni bawk.

Heng mi pahnihte bakah hian HPC (D) zawmtur a mithar lak kawnga sul sutu ni a hriat H. Lala (68) S/o D. Dala (L), Vairengte State Veng pawh Hmarkhawlian atang hian man tel a ni bawk a ni.

HPC (D) mi leh sa mante hi thu chiangzawk a zawhfiah an nih theih nan Magistrate hnen-ah Police Remand dil mek a ni.