Mamit District ah Hri Danna kokim zawka pek anih theih nan hmalak dan tur leh hmalak tawhna thlirhona Pu H.Lianzela, Addl.DC hovin neih a ni.

Pu H.Lianzela chuan hmalakna chak zawk neih anih theih nan health department hnuaia thawkte chauh ring mai lova khawchhunga sorkar hnathawk te leh khawtlang hruaitu te thawhhopui a tul thu a sawi a. India rama hri danna pe chhia District 201 a thlan zingah Mamit District a tel thu tarlangin tanlak a ngaih thu a sawi bawk a.Hridanna lak a tulzia uar zawka inzirtirna neih a puanzar a tul thu a sawilang tel bawk.

Dr Lalrinthangi, District Immunization Officer chuan Mission Indradhanush hnuaiah 2nd Phase 4th Round kalpui zawh tawh ah khaw 34 huam niin, naupang kum hnih hnuailam 306 leh naupai 82 hnenah hri danna pekchhuah anih thu a sawi a. Intensified pulse polio Immunization(IPPI)/ zeng hri danna chu kumin january 21 khan First Round zawh a nih thu tarlangin, Booth mai bakah in ah te kalchilhin naupang (kum nga hnuailam) 10493 hnenah zeng hri danna hi pek a ni a.Zeng hri danna pek thawhhnihna hi February 23 ah neih leh a ni ang.

Hei bakah hian rulhlut hlo ei runpui National Deworming Day February 10, 2016 hman dan tur sawi a ni bawk a, District chhunga naupang kum 1-19 inkar mi 20766 hnenah rulhlut hlo pek tum a ni.