Mizoram Public Service Commission chuan Junior Grade of Mizoram Civil Services (MCS), Mizoram Finance & Accounts Service (MF&AS) leh Mizoram Police Services (MPS) Officer, Departmental Examination la ‘clear’ lote tan Departmental Examination, June 2012 chhungin buatsaih tum a ni a. Heng service hrang hrang tarlan a Junior Grade Officer, Departmental Examination la hmabak zawng zawngte chu ‘willingness’ lehkhapuan pangngaia ziakin leh proper channel in Secretary, Mizoram Public Service Commission hnenah ni 03.06.2012 thlengin thehluh theih a ni.
Exam tum te chuan, an hming, pa hming, present place of posting, an exam tur paper, paper an clear tawh leh la clear loh te chiang takin an ziak lang tur a ni. Exam tumte chuan Examination fee Rs. 150/- Willingness an thehluh rualin emaw ni 03.06.2012 hma ngeiin Mizoram Public Service Commission Reception Counter ah an pe a ni.
Willingness thehlut leh Examination fee pe te chauh appear phal sak an ni ang.
