Mizoram State sawrkar Notification No.B.12021/10/04-TRP Dt. 22.8.2008 leh Section 115/117 MV Act 1988 thuneihna angin leh PWD hotute leh khawtlang hruaitute nena sawiho anih hnuin PWD, Aizawl Road North Division ten ni 13.04.2018 atanga Ramhlun North leh Bawngkawn South, Industry Peng leh Bawngkawn inkar kawngpui an siam that dawn avangin ahnuai ami ang hian lirthei tlan dan tur siam a ni.

Kawng siam that chhung hian Ramhlun Industry Peng leh Bawngkawn chhuah inkar College Road leh Sihpui Road lam atangin lirthei eng chi mah Bawngkawn chhuah leh Ramhlun Industry Peng inkar kawngpuiah Bawngkawn lam pana tlan phal a ni lo.

Mipui harsatna hre reng chungin he lai kawngpuia hnathawh chhung chu kawng khat (one way) Bawngkawn to Industry Peng via College Road leh Sihpui Road kaltlanga lirthei tlantir tum a ni a. Amaherawhchu, a kawng a tet avangin hnathawh a ran zawk theihnan Bawngkawn chhuah leh Tlaklui kawr inkar chu tlan theih lova kawngpui khar ngaih chang a awm dawn a. A hmuna duty Traffic Police te, PWD Duty te leh Khawtlang duty te chu ngaichang thiam turin ngen a ni.

Kawng siam that anih chhung hian hnathawh tibuai thei turin kawngpui sirah lirthei leh bungrua dah khap tlat a ni.

Hei hian chhiatrupna thil kangmei leh emergency kaihhnawiha duty leh Dan leh Thupek pawimawh bika Duty-te chetvelna a huam lo ang. Tin, he thupek hi Traffic Police a hmuna duty ten a tul dan a zirin an tidanglam thei ang.