Labour, Employment, Skill Development & Entrepreneurship Department hnuaia din Mizoram Building & Other Construction Workers Welfare Board hnuaiah, Construction works (In sak, kawng laih leh a kaihhnawih) a hnathawk, Contractor emaw midang hnuaia inhlawh thin (Kum khat chhunga ni 90 tal thawk tling), India khua leh tui diktak, kum 18-60 inkar tan registration tiin welfare member a nih theih a. Registration fee hi Rs 25/- a ni a, thlatin membership tih nun nan Rs 10/-, kumkhat atan Rs 10x12=Rs 120 pek lawk theih a ni.

Welfare Member ni tur hian sawrkar hnathawk awmna chhungkuaah pawh a chunga sawi anga member ni thei an awm anih chuan member-ah a inziah luh theih a. Sawrkar hnathawk awm miah lohna chhungkua pawh ni se, in sak leh  a kaihhnawiha inhlawh/hnathawk lo chu member a nih theih chuang loh a ni.

Welfare Member-a inziaklut te chuan hamthatna chi hrang hrang sawm chuang an claim thei a, hetiang hamthatna dawng thei tur dik tak zawng zawng chu Welfare Member-a in ziaklut vek se tiin Department chuan hriattir a ni.