No.192/2020-2021

Pu. Malsawmtluanga, Additional Deputy Commssioner & Chief Executive Officer Siaha District Disaster Management Authority chuan Quarantine Facility/Centre-a awm mek te zawm tur hetiang hian siam a ni a, an chhungte leh Village Level Task Force zawng zawngte pawhin a tul angin an bawhzui theuh tur a ni.

1. QUARANTINE CENTRE ATANGA IN I PAN DAWNIN :-

(i) Chhuah atanga Ni 14 chhung khawsakna tur kimchang, biak pawh theihna tur Phone Number nen thawktute hnenah dah thlap a ni.
(ii) Harsatna neih palh thulha hriattirna tur District thuneitu leh Survillance Office Phone Number-te kawl tha ang che *(hei hi chhuah dawn a pek an ni ang)
(iii) Hmai tuamna (mask) hmang reng la.
(iv) Uluk takin sahbawn leh tuiin emaw, hand sanitiser-in emaw kut sil theihnghil lo la.
(v) I khuh leh hahchhiau laiin i hmui leh ka puan fai (rawmawl)-in hup la, mi dang hnaih lo leh inthiar fihlim na chang hria ang che.
(vi) Khawsik i neih leh neih loh nitin in endik ang che.
(vii) Zin chhuah rih loh tur a ni a, loh theih loh a i zin chuan i ticket *(i chuanpui leh driver-te Contact Number lanna)* kawl that reng tur a ni.

2. IN I THLEN HUNAH
(i) Ni 14 inah tawmim tlat la, puipunna hmun kal loh tur a ni.
(ii) Ni 14 chhung i hriselna vawng uluk em em la, in endik reg ang che.
(iii) Khawsik i neih leh neih loh nikhat ah vawi hnih (2) en rawh.
(iv) Fai takin inenkawl chhunzawm la,kut sil theihnghil loh tur a ni. Hahchhiau leh khuh laiin midag hnaih loh tur.
(v) Hritlang leh khawsik i neih chuan damdawi in lama thawktute hnen ah i chanchin thlen nghal ang che.
(vi) Damdawi In a thawkte thu leh hla ngaichang la, anmahni biak pawh theihna tur Phone Number nei reng ang che.
(vii) Ni 14 a ral hunah damdawi In a thawkte hnen ah i hriselna thlen ang che.

3. QUARANTINE CENTRE I CHHUAHSAN HNUA HRITLANG, KHAWSIK LEH THAWKNA LAMAH HARSATNA I NEIH CHUAN (CHHUAH ATANGA NI 14 CHHUNG)
(i) District Survilance Officer i hril mai bakah health worker emaw, damdawi In a thawktu dang i chanchin rawn ngaihventu rang takin bia ang che.
(ii) I chenpui pakhatin tul leh mamawh a tihsak che ang a, i bula a awm laiin hmui tuamna vuah reng tur a ni a, a kut a sil uluk hle tur a ni.
(iii) Covid-19 Symptoms a nei tih hriatchhuah anih chuan hmui tuamna tha hmang ang che.
(iv) Thurawn angin damdawi In lam pan ang che.
(v) Ambulance/damdawi In i panna motor chu natna kai theih palh thulhah uluk taka tihfai (disinfect) tur a ni a, (hemi tur damdawi lama thawkte pawh biak tur a ni)
(vi) Khawi hmunah pawh eng tik lai pawhin inkaichhawn theihna lam invenna ngaihtuah reng la, zawm zel ang che.

4. QUARANTINE CENTRE ATANGA CHHUAK CHHUNGTE HRIAT TUR
(i) Sahbawn leh tuia kut sik mawlh mawlh a pawimawh reng.
(ii) Quarantine Centre atanga chhuak chuan hritlang, khawsik leh harsatna dang (Covid-19 symptoms) a neih chuan damdawi In a thawk, he lam buaipuitu hril nghal ang che.
(iii) Damdawi In a sawn tur tih anih chuan :-
(a) A chenpui leh a bul hnaia awm tawh zawng zawngte a mah enkawltu doctor hrilh vek tur.
(b) A chenpui (Chhungkaw mi)-te chu pawn chhuak lo turin Inah in khung (home quarantine) tur a ni. An hriselna endik anih a, he natna an kai lo a ni tih hmuh chhuah a nih thlengin heti anga dah tur a ni.
(c) Mut puan leh thawmhnaw fai taka suk vek tur a ni.