No.646/2021-2022
Aizawl, the 23rd May 2021 : Vawiin khan Aizawl DC chuan Mizoram Sawrkar-in Order No.B.13021/101/2020-DMR/Vol-IV Dt.22.5.2021 a chhuah bawhzuiin a hnuai ami ang hian dawr/chawhmeh bungrua semchhuah/lak, hnathawh leh zin veivah chungchangah a hnuai ami angin hriattirna a chhuah
I : A : Dawr bungraw sem chungchang
(i) Thawhtanni (Monday) leh Ningani (Thursday) zan dar 8:00 atanga zing dar 4:00 inkarah distributor/wholesaler-te’n LLTF/VLTF hriatpuina-in zuar chhawng turte (retailer) hnenah bungrua an sem chhuak thei ang. Hei hi Monday zan leh Thursday zan atan chauh a ni ang.
(ii) Distributor/wholesaler-te dawr/kudam-ah bungrua la tura Monday zan leh Thursday zanah hian zuar chhawng tur (retailer) an kal phal a ni lova. Hetianga bungrua laa pawnchhuak leh kalte chu dan anga hrem an ni ang.
B : Dawr bungraw lak chungchang
Eichawp dawr hawn ni (Tuesday leh Friday)-ah loh theih loh avanga dawr bungraw lak mamawhna a awm chuan dawr neitu leh zuar chhawng tur (retailer) te inbelawk (pre- order) hmasa-in LLTF/VLTF phalna-in bungrua lak theih a ni ang. Dawr neituten pungkhawm awm lova dawr bungrua an lo pek theih nan bungraw lak theih hun tur (darkar) an siam zel anga, chumi hun atan chauh chuan dawr bungrua latu chu kalchhuah phal a ni ang.
He thupek hi zawm ngei a ni em tih LLTF leh Executive Duty ten uluk takin an enpui anga, dan bawhchhiate chu dan angin an hrem zel ang.
II : A : Thlai/Chawhmeh/sa
Chawhmeh/sa zawrh tur chu LLTF hriatpuina-inThawhtanni (Monday) leh Ningani (Thursday) zan dar 8:00 atanga zing dar 4:00 inkarah a hlawma lakna hmun atangin lak theih a ni anga. An lakna hmunah emaw an zawrhna tur hmunah emaw thutchilh nghal phal ani lo. LLTF-te’n chawhmeh/sa zuarte thutna hmun tur hi a hmaa tihdan angin mipui punkhawm tlem theih dan tur berin leh social distancing tha thei ang bera vawn a nih theih nan ruahmanna an siam ang. Executive Duty leh LLTF ten uluk takin an vil anga, dan bawhchhiate chu dan angin an hrem zel ang.
B: Dawr dang
Thawhlehni (Tuesday) zing dar 5 leh tlai dar 5 inkarah a hnuaia dawrte hi LLTF te hriatpuina-in inhawn theih a ni ang. Heng dawrahte hian Covid-19 Appropriate Behaviour zawm ngei tur a ni a, Executive Duty leh LLTF ten uluk takin an vil anga, dan bawhchhia-te chu dan angin an hrem zel ang.
(i) Thlai chi/tiak leh agriculture kaihhnawih bungraw zawrhna
(ii) Hmasawnna hna thawhna bungrua – cement, iron rod, balu, brick, electric bungrua, etc.
(iii) Bungraw phur motor mamawh, spare parts, oil leh loh theih loh thila hawn ngai workshop.
III: Hnathawh chungchang:
A: (i) AMC area-ah mahni in compound chhuahsan lova hnathawh phal a ni.
(ii) AMC area chhungah hmasawnna hna leh chhiatna thleng thei laka inven ngai hna thawh ngai chuan LLTF-ah in report tur a ni a. LLTF te hian bialtu Incident Commander hnenah an thlen anga, Incident Commander-in hnathawh phalna a pe thei ang.
(iii) Hmasawnna hna leh chhiatna thlen thei laka inven ngai hna Incident Commander-in thawh phalna a pek hnuahLLTF lehkha kengin Dawr hawn theih ni (Tuesday)-ah bungrua an lam thei anga, hei hian lung, balu leh rora lak pawh a huam ang.
B: Home based Industry :
Mahni ina thilsiamna kalpui - carpentry workshop, steel fabrication workshop, bakery, puanthuina, puantahna leh hetiang lam thawhna hmunah chuan a hmuna awmchilha hnathawktute tan LLTF hriatpuina-in hnathawh phal a ni a. Heng hnathawhna hmunah hian pawnlam mi chhawr phal a ni lo.
IV : Zin veivah chungchang :
(i) Zin veivah khap a ni a. Chhiat tawh leh damlohna thilah chuan VLTF/LLTF hriatpuina lehkha nen zin veivah theih a ni ang. Lehkhaah hian kal tanna/chhuahna hmun, kalna tur hmun, chhuah tan ni leh darkar, chhuah/kal chhan a chuang tur a ni.
(ii) Zin veivah dawnin kalna tur District-a Deputy Commissioner-in zinna hmun tur chu Containment Zone-ah a puang em tih finfiah hmasak tur a ni a. Chutianga Containment Zone-a puan a nih chuan kalna tur hmun (destination) VLTF/LLTF remtihna lehkha chu zin diltu chuan a nei ngei tur a ni a, hemi lehkha nen hian Deputy Commissioner hnenah zinchhuah dilna hi thehluh tur a ni. Dilna hi whatsapp kaltlangin 8787451776-ah a soft copy emaw thlalak emaw thehluh theih a ni.
