Lungdai MZP Sub-Hqrs. te buatsaih kumina HSLC pass thar te lawmpuina hun vawiin a YMA Hall, Lungdai-ah neih chu, Bialtu MLA Pu Hmingdailova Khiangte, Parliamentary Secretary in a hmanpui. 

Lawmpuina hunah Pu Hmingdailova Khiangte chuan zirlai pass thar te a lawmpui thu sawiin, hlawhtlinna tluantling an neih theih nan tuna an hlawhtlinna duhtawk mai lova hmalama ke pen zel turin a fuih a. Taimakna leh insumtheihna nen zirna bei chhunzawm zel turin a fuih a. Zirlai te chu intodelh tumna thinlung pu chung leh hriatthiamna tak tak paw chhuak thei tura zirtur a fuihin, hemi atan hian zirtirtu te pawhin inpekna thar nena tanlak a ngaih thu a sawi bawk. 

HSLC pass thar lawmpui te hi an vaiin 40 an ni a, Lungdai, Bukpui, N.Chaltlang, Lungmuat, Nisapui leh Serkhan atang pass te an ni a. Lawmpuina thuziak hlan theuh an ni.