No.421/2020-2021 

Mizoram Board of School Education (MBSE) chuan a hnuai a mi ang hian HSSLC Exam, 2020 kal lai mek chungchangah thu a chhuah:

Higher Secondary School Leaving Certificate (HSSLC) Exam, 2020 kal lai mek, Mizoram Sorkarin COVID-19 laka invenna a ngaih pawimawh avanga a tihtawptir lailawk chu, lockdown chhunga COVID-19 laka Mizoram kan him khata hriat a nih avangin, zirlai exam la zo lo laklawh tak tak te hmakhua ngai in MBSE chuan April ni 22- 24 chhung hian exam nei turin a ruahman leh a. Amaherawhchu, "India ram pum huapa he COVID-19 laka invenna kal zel avang hian exam hi neih rih loh zawk a tha ang e", ti a Central sorkarin Mizoram sorkar hnena a rawn ngenna chu MBSE chuan zahawm a ti hle a. Dt. 17th April, 2020 dar 7:30 P.M. a MBSE Office a emergency meeting chuan HSSLC Exam laklawhte exam zawhtir hram tuma hmalakna kal mek chu thu leh awm hma atan a titawp lailawk a ni.

Hemi avanga zirlaiten harsatna an lo tawh phah te pawh a awm thei ang tih hre chungin, Central Sorkar atanga ngenna hi ngaih pawimawh a tul si avangin hriatthiamna kan dil nghal a ni.