2289/2024-2025

Aizawl, the 29th September, 2024: Mizo Students’ Association, Bangalore chuan nimin September ni 28, 2024 (Inrinni) khan Zirna Kûtpui 'Zir la, Tanpui la, Humhim Rawh' tih thupui hmangin ropui takin an hmang a. He hun hi Higher & Technical Education Minister Dr. Vanlalthlana chuan hmanpuiin zirlaite fuihna thuchah a sawi a. Pu Laldingliana Tlau Vantawl, President, Bangalore Mizo Association (BMA) chu he hunah hian khualzahawm a ni.

He hunah hian Zirlai titha chawimawina hun hman a nih bakah Zirna Kûtpui puala intihsiakna hrang hranga tithate hnenah lawmman sem chhuah a ni a. Zirna in hrang hranga Mizo zirlaite hnen atangin item benglut tak tak thlira ngaihthlak a ni a; hun hlimawm leh hlawkthlak tak hman ho a ni.

Zirna Kûtpui-ah hian Bangalore-a Mizo zirlaite leh Mizo awm dangte an kal tha hle a ni.