Govt. Champhai College-a Zoology Department-a mi Dr. D.N. Harit, Associate Professor-in hmun danga a hna dil hmuin, College-a chhuahsan dawn avanga zirtirtu indaihlohna lo awm turah zirlai ten thawm an neih chungchang ah Higher & Technical Education chuan hetiang hian thuchhuah a siam.
Dr. D.N. Harit, Associate Professor, Zoology Department hian hmun danga hna ‘proper channel’ in, Sawrkarah ‘No Objection’ la in a dil a. A dil angin Centre for Environmental Sciences, Central University, Jharkhand-ah Associate Professor hna chu a hmu a. Chu hna thar zawm tur chuan ‘Release Order’ sawrkarah dilin ‘Lien’-a kal a dil tel bawk a. Hetianga a dil ang hian, leh ‘rules’ in a phal angin sawrkar chuan release order a pe chhuak ta a ni.
Tunah hian Sawrkar chuan hemi avanga zirtirtu indaihlohna hi hria in a rang lama a ai zirtirtu dah dan tur a ngaihtuah mek a ni. Tunah hian Contract Lecturer engemaw zat chu ‘regularize’ tura hmalak mek a ni a, heng atangte hian midang tha a aiawh tur pawh dap mek a ni a. Hetiang hian Sawrkar chuan Champhai College chang lo college danga zirtirtu indaihlohna te chu hnawhkhah dan pawh a zawng reng a ni. Chuvangin, hemi chungchangah hian boruak dang siam lova, sawrkar hmalak mekna hi ngaichang hram thei ila a tha ang e.
