4791/2024-2025 

Dated Serchhip, the 24^th March, 2025: Chhingchhip khaw tui lak buaina chungchanga Hualtu khua leh Chhingchhip khua te inkara inremna tluantling a awm theihna turin vawiin khan Serchhip DC Pu Paul L Khuma hoin Serchhip DC Meeting Hall ah thutkhawm pawimawh neih a ni. 

He thutkhawmah hian Chhingchhip leh Hualtu khaw aiawh Village Council member leh YMA te bakah PHE Department te, Serchhip District Adminstration hotute leh Police Department te an tel a. Boruak tha tak hnuaiah inpawhtlang takin Committee ah hian agenda te an rel a ni. 

Tui hna a awm reng theih nan tui lakna hnar catchment area hi tha taka humhalh ni se tih chu meeting hian a rel a. Ram humhalh tur chin thlithlai a chingfel tur hian Hualtu leh Chhingchhip khaw aiawhte leh PHE Department te chu ruat an ni. 

Hualtu rama tuilakna pipe hian mimal ram te a lo paltlang tawh thin avangin mahni huan thlai chawm nana la peng an awm thin a. Heng hi tun chinah chuan tih tawh loh ni se, Gravity Main-a a luhna pipeline atang hian tu te mahin pawt peng tawh lo se tiin an rel bawk. Engemaw harsatna a awm leh a nih pawhin mipui vantlanga boruak tipunlun loin khawtlang hruaitu VC ten sawiho hmasak zel ni se, tiin thu an dah bawk.