Hunthar Veng lei tlahniam zirchianga endik turin Geological Survey of India hotuten Aizawl an thleng.
Vawiin khan Geological Survey of India, Shillong atangin Senior Geologist pahnih Pu G.Rangmei leh Pu WS Rocky te chuan Aizawl an rawn thleng a, an ni hian Hunthar venga lei tlahniam leh sawrkar laipui atanga lei tlahniam enkawlna tur Mizoram in a dil mek te an zirchiang dawn a ni. Heng mithiam pahnih te hi september ni 3 thleng Aizawl ah an cham beisei a ni.
Hunthar veng lei tlahniam vang hian vawiin khan chhungkaw 11 te chu an chenna in atanga sawn chhuah an ni a, tun dinhmunah hian chhungkaw 41 an chenna in atanga sawn chhuah an awm tawh a ni. Aizawl DC atangin immediate relief fund puitling tana cheng 60 leh naupang tana cheng 40 chu vawiin khan ni 7 atan pek chhuah an ni a, tunah hian chhungkaw 11 tan dil mek an ni.
