No.3988/2021-2022

Aizawl, the 14th February 2022: Vawiin khan Dr. Vanlaltanpuia, MLA, Chairman, Mizoram Youth Commission hovin ‘Hybrid IAS Coaching Kick Off Programme” ,Mizoram Youth Commission leh ALS tangkawpin a buatsaih chu neih a ni.  

He hunah hian Dr. Vanlaltanpuia, MLA, Chairman, Mizoram Youth Commission chuan Hybrid IAS Coaching chu Lunglei, Siaha, Kolasib leh Aizawl ah V-SAT hmanga kalpui a ni tih a sawi a. Online leh Offline in Class hi kalpui a ni dawn a. He Hybrid IAS Coaching ah hian seat 100 ruahman a ni.

Aizawl atan Seat 60 dah niin tunah hian mi 45 an awm mek a. Lungleiah hian seat 20 awmin tunah mi 11 an awm mek bawk a. Siaha ah Seat 10 a awm a, mi 10 in an luah khat a. Kolasib ah Seat 10 awmin mi 8 in an luah bawk a ni. Seat luah khah lohte hi he coaching kal tur a ALS lamin Exam an buatsaih a panel list a awmte hmanga hnawh khah tum a ni a. Tuna Hybrid Coaching hmanga zirlai coaching kalmek te hi nakum 2023 UPSC exam lo awm tur atana buatsaih an ni tih a sawi a ni.