National Institute of Rural Development & Panchayati Raj (NIRD&PR), Hyderabad leh Rajiv Gandhi National Institute of Youth Development (RGNIYD) buatsaih India hmarchhak thalai te’n hma an sawn theihna tura project ruahman “Enhancing the Skills of Youth in NE States through Rural Technologies” hnuaia “Training Course on Leave Plates & Cups Making”, Rural Technology Park, NIRD&PR, Hyderabad-a nei tur thalai 30 te chu vawiin khan Pu Lalhmunsanga Hnamte, Director, SIRD&PR, Mizoram chuan SIRD&PR, Mizoram office, Durtlang Leitan atangin a vailiam. Heng thalaite hi Mamit Aspirational District chhung atanga thlanchhuah an ni.

SIRD&PR Mizoram Director chuan thalai training tura chhuakte fuihna thu sawiin, bawlhhlawh tawihtheilo (plastic waste) tih tlem kawnga hmalak a tulzia a sawilang a, ruai thehna ah te pawh disposable cup leh plate te hman kan intihhmuh zel a ni a ti a. Tuna an training na a an zirtur hnah atanga thleng leh no siam chu Mizoramah pawh a siamna hmanrua kan neih sa a ni a ti a, demand a awm avangin kan siam thiam ve hi a tul hle a ni a ti. Training nei tura thalai rual kal turte chu anmahni puala eizawnna tlak khawp leh midangte zirtir chhawng thei tur khawp a hlawkpui ngei tum a, taima leh uluk taka training tura chahin, sum leh pai tam tak seng a hmun hla taka kal tur anni tih hria a hlawkpui ngei tum turin a chah a ni.

He training hi NIRD&PR, Hyderabad-ah January ni 21-25, 2010 chhunga neih tur niin, SIRD&PR, Mizoram atanga training nei tura kal thalai rualte hi Pu Zomawia Hauhnar, Faculty, RGSA chuan a hruai a ni.