Vawiin chawhma dar 11 khan Lunglei tualchhung chanchinbu mite hmaah Pu Zodintluanga, Minister, I & PR etc. chuan a bialchhung Primary School, Middle School, High School, Thorang Pastor Bial leh VCP thenkhatte hnenah Computer leh Printer inkawp set 13 a sem a. Heng a thil semte hi MLA fund atanga sem anih thu a sawi.
Minister chuan tualchhung chanchinbu miten kawng tinrengah amah an tawiawm that thin thu ah lawmthu a sawi a. Lunglei ah Convention Centre sak nan cheng vaibelchhe 18 chuang leh Lunglei khawpui chhunga hmun pawimawh lai chei leh siam that nan UD & PA atangin cheng vaibelchhe 17 chuang dah anih thu a sawi bawk.
Mirethei zawk ten leirem rapa eizawnna tling an neih theih nan NLUP pawh sorkar policy anih angin sem thuai anih tur thu a sawi a. Lunglei khawpui chhungah mirethei chhungkaw engemaw zat In leh Lo nei lo, inhmun nei si an awm a, chung mite chenna tlak in sak sak sorkar chuan a tum bawk a ni a ti.
Zobawk hmunah Sports Centre discipline hrang hrang dahna tur pawh sorkar-in a ngaihtuah mek a ni a ti a. LDSC Ground No 2 ah pawh SAI Centre dahin Judo, Taekwondo, Boxing leh Wrestling discipline te dah kan tum a ni a ti. Lunglei District leh Chhim bial hmasawn nan tun sorkar atang hian duhsakna hrang hrang kan dawng nasa hle a ni a ti bawk.
Mirethei zawk ten leirem rapa eizawnna tling an neih theih nan NLUP pawh sorkar policy anih angin sem thuai anih tur thu a sawi a. Lunglei khawpui chhungah mirethei chhungkaw engemaw zat In leh Lo nei lo, inhmun nei si an awm a, chung mite chenna tlak in sak sak sorkar chuan a tum bawk a ni a ti.
Zobawk hmunah Sports Centre discipline hrang hrang dahna tur pawh sorkar-in a ngaihtuah mek a ni a ti a. LDSC Ground No 2 ah pawh SAI Centre dahin Judo, Taekwondo, Boxing leh Wrestling discipline te dah kan tum a ni a ti. Lunglei District leh Chhim bial hmasawn nan tun sorkar atang hian duhsakna hrang hrang kan dawng nasa hle a ni a ti bawk.
