Indira Gandhi National Open University hnuaia Jail tangte tan a thlawna lehkha zirna turin vawiin khan Central Jail Tanhril-a IGNOU Study Centre-ah Sensitization-cum-Spot Admission neih a ni a. Home Minister Pu R.Lalzirliana chuan he hun hi a hmanpui a ni.
IGNOU Regional Centre Mizoram hnuaiah hian Study Centre 37 awmin kum 1999 khan Central Jail-ah hian Study Centre hawn a lo ni tawh a. Tuna a thlawna zirna kalpui turah hian Jail atanga zirlaite chu admission fee bakah zirlaibu pawh a thlawna ngaihtuah sak an ni dawn a. January thla atang hian Bachelor’s Preparatory Programme (BPP) a bul tanin June thla-ah BPP pass te chuan Degree course an duh zawng an zir chhunzawm thei dawn a ni.
Thuchah sawiin Home Minister chuan Jail-a IGNOU-in a thlawna zirna a buatsaih chu rilru thar nena chhawr tangkai turin mitangte a fuih a. Hemi chhawr tangkai pha lo tur tam takte pawh nun beidawng mai lova, an nun dan hluite bansan tur leh, anmahni hmangaihtu nu leh pa te, ram leh khawtlang tan leh Pathian tana mi tangkai zawk ni tura insiam tha turin a ngen a. Sorkar chuan thatna-in rorel a tum, tih sawiin Pu Lalzirliana chuan misualte chungah erawh chuan sorkar chu khauh a tum tih pawh a tarlang a. Mitang te chu an dam chhunga Police te, YMA leh khawtlang nun siamtha pawlte hlau reng renga nun hmang ral tur bik an ni lo tiin Jail chhunga insiam thatna tur hmanraw hrang hrang te chu chhawr tangkai a, rilru thar nen hma lam hun thlir turin a chah bawk a ni.
Home Minister chuan mitang ten an mamawh an lo thlen thil hrang hrang zingah convict ten an tan hun chhung pawt tawi tura an ngenna chu ama thua tih hlawhtlin sak mai theih a ni lo tih a sawi a. IG Prison chu hemi chungchangah hian hma lo la a, ni 10 aia tlem lova an hun pawh tawi dan a awm em tih lo enfiah turin a ti a. Jail tangte kumthar ruai theh nan Rs.20,000/- a pe bawk a ni.
Sensitization-cum-Spot Admission inkhawm hi Pu Lalthianghlima, DIG Prison-in a kaihruai a. IGNOU Regional Director, Dr.S.R.Zonunthara’n IGNOU hmalakna hrang hrang tarlangin Jail tangte tana a thlawna zirna programme lo irhchhuah dan a sawi a. Mitang ten admission leh zirlaibu leina kawngah sum harsatna an neih thin avangin Jail-a IGNOU Study Centre chuan chhawr tangkai a hlawh tawk lo, a ti a. Tuna admission leh zirna a thlawna kalpui turah hian mithiam leh inpe tak tak, hlawh phut lova zirna pe duh an awm thu a tarlang bawk. Vawiina IGNOU programme ah hian mitang ten zai leh hnam lam chi hrang hrang te an entir a ni.
Thuchah sawiin Home Minister chuan Jail-a IGNOU-in a thlawna zirna a buatsaih chu rilru thar nena chhawr tangkai turin mitangte a fuih a. Hemi chhawr tangkai pha lo tur tam takte pawh nun beidawng mai lova, an nun dan hluite bansan tur leh, anmahni hmangaihtu nu leh pa te, ram leh khawtlang tan leh Pathian tana mi tangkai zawk ni tura insiam tha turin a ngen a. Sorkar chuan thatna-in rorel a tum, tih sawiin Pu Lalzirliana chuan misualte chungah erawh chuan sorkar chu khauh a tum tih pawh a tarlang a. Mitang te chu an dam chhunga Police te, YMA leh khawtlang nun siamtha pawlte hlau reng renga nun hmang ral tur bik an ni lo tiin Jail chhunga insiam thatna tur hmanraw hrang hrang te chu chhawr tangkai a, rilru thar nen hma lam hun thlir turin a chah bawk a ni.
Home Minister chuan mitang ten an mamawh an lo thlen thil hrang hrang zingah convict ten an tan hun chhung pawt tawi tura an ngenna chu ama thua tih hlawhtlin sak mai theih a ni lo tih a sawi a. IG Prison chu hemi chungchangah hian hma lo la a, ni 10 aia tlem lova an hun pawh tawi dan a awm em tih lo enfiah turin a ti a. Jail tangte kumthar ruai theh nan Rs.20,000/- a pe bawk a ni.
Sensitization-cum-Spot Admission inkhawm hi Pu Lalthianghlima, DIG Prison-in a kaihruai a. IGNOU Regional Director, Dr.S.R.Zonunthara’n IGNOU hmalakna hrang hrang tarlangin Jail tangte tana a thlawna zirna programme lo irhchhuah dan a sawi a. Mitang ten admission leh zirlaibu leina kawngah sum harsatna an neih thin avangin Jail-a IGNOU Study Centre chuan chhawr tangkai a hlawh tawk lo, a ti a. Tuna admission leh zirna a thlawna kalpui turah hian mithiam leh inpe tak tak, hlawh phut lova zirna pe duh an awm thu a tarlang bawk. Vawiina IGNOU programme ah hian mitang ten zai leh hnam lam chi hrang hrang te an entir a ni.
Attachment
- Loading attachment...
