Tun hnaia Mizoram Information Service-a tling Officers 4-te tan Indian Institute of Mass Communication(IIMC), Mizoram University Campus, Tanhril-ah January ni 18 atang khan Training neih tan a ni a. Vawiin khan IIMC, New Delhi atanga lo kal Prof. K.M.Srivastava chuan a bik takin training neihpuiin Director, Information & Public Relations Pu Jim K. Chozah pawh he training chhim turin a tel a ni.

MIS Officers te training pe tura a bik taka IIMC atanga mithiam lo kal Pu K.M.Srivastava hi Ministry of External Affairs hnuaiah Course Director hna te, Punjab University-ah Journalism & Mass Communication Department hotu ber leh International Association of Media & Communication Research (IAMCR) Member nihna te a chelh tawh thin a.IIMC, New Delhi-ah pawh Indian Information Service Officer-te, State sorkar hrang hrang hnuaia Officers te bakah Armed Forces hotu liante Media leh Public Relations chungchang zirtirtu bera an hman mek a ni.

IIMC, Mizoram University Campus hi Special Officer Pu L.R.Sailo kaihhruainaa hnuaiah a kal mek a. Kum 2013-14 chhunga Post Graduate Diploma Course in English Journalism zir duhte tan kumin May thlaah Entrance Test buatsaih tum a ni.