2822/2025-2026
Dated Aizawl, the 7th January, 2026 : Indian Meteorological Department hnen atanga thu dawn danin January 4, 2026 atang khan Mizoram district zawng zawngah temperature tla hniamin khua a vawt zuala, ni eng emaw zat chu khaw vawt zual hian min la tuam dawn nia ngaih a ni a. Hemi avang hian Disaster Management & Rehabilitation (DM&R) Department chuan district tina Deputy Commissioner-te chu khaw vawt vanga mipuite chunga harsatna thleng thei laka inveng tura hmala turin a hriattir a.
DM&R chuan khua a vawh zual lai hian mipuite chu inthuam lum tur leh khawvawt lutuk hmuna awm tam lo turin a chah a. Khawvawt avanga taksaa nawmlohna nei kan awm chuan PHC emaw hospital-te pan vat tur a ni a. Zing leh zan lamah tiau chum a chhah thin avangin lirthei khalhtute pawh fimkhur turin a chah a. Ran vulhte pawh khawvawt avanga an ran vulhte hriselnain a tawrh loh nan ngaihven turin a chah bawk a ni.
