Vawiin khan Inter Media Publicity Co-ordination Committee chu an Chairman Pu C. Lalrosanga, DDG, NE, Guwahati hoin PIB Conference Hall, Tuikhuahtlang-ah an thukhawm a. Mizorama Central Media Unit hrang hrang leh Mizoram sorkar hnuaia department hrang hrang media cell ten october 2011 chhunga an hmalakna leh hmachhawpte an thlir ho a ni.

He meeting-ah hian tunlai Mizoram mipui sukthlek leh kal dante huamzau takin an sawi hova, chi leh chi, hnam leh hnam inkara in unauna leh inpumkhatna lam hawia hmalak tul hlein an hria a. India khua leh tuite dikna leh zalenna in humhim sak leh inzah sak zawnga hmala turin mitinte an sawm a ni. November 2011 chhunga an thupui (Theme) atan Communal Harmony an thlang nghe nghe a ni.