Vawiin khan IMPCC Meeting chu DIPR Conference Hall-ah hman a ni a, Pu C. Lalrosanga, Addl. D.G., N.E. chu Guwahati atanga lo kalin IMPCC  chu a rawn ho.

 November thla chhunga IMPCC thupui : Communal Harmony tih chu AIR leh Doordareshan ten an bawhzui tha hle a; Aizawl Chanchin Bu te pawhin heti lam hawi hi an ziak tha thawhkhat hlein an hria a, lawmawm an ti hle a ni.

Tun kar chhung hian Public Information Campaign neih chhunzawm leh tum a ni a, hetiangin Programme duan a ni:

1st December  2011   

A hmun          :           Kanghmun

Chief Guest    :           Pu Laldingliana IFS (Rtd),

Chief Information Commissioner, Mizoram.

2nd December 2011

A hmun       :              Rawpuichhip

Chief Guest :              Pu Rodney Lalrinawma,Deputy Commissioner, Mamit

3rd Decembee 2011  

A hmun          :           Lengpui

Chief Guest    :           Pu Vanhela Pachuau, IAS,

Chief Secretary, Mizoram.

 2.         Department hrang hrangin eng Anniversary emaw hman an nei thin a, hengah hian AIR/DDK atanga tihchhuah tur Minister te thusawitir an duh chuan  DIPR kaltlang ngeia hriattir nise, a theih hram chuan Chawlhkar khat tal advance-a hriattir ni thei se an duh thu an sawi a, DDK leh AIR-a tihcchuah tur  te chu anmahni Studio ngeia record hi duhthusam a ni. A tlangpuiin Governor leh Chief Minister te hi anmahni hmuna record hi tihdan phung pangngai a ni.

 3.         Cable Tv leh Print Media ten ram leh hnam siam thatna tur a tam thei ang ber chhuah tura beisei an ni a; a bikin Thalaite thil tha lo lama kaihruai thei Film tha tawk lo chhuah te, Korea films leh hnam dang Film mahni duh thua letling  tuten tawng tha lo an hmang nasa a, Mizo tawng tihkhawh lohna lian tak a ni. Phalna nei lova mahni duh duh chhuah ngawt hi ram mipui dan a tha lova, dan kalh a ni bawk. Hemi kawngah hian mitin fimkhurturinan ngen a, kum thar  2012-ah chuan Mizoram Sorkar Hotu liante leh D.C. te  nen Seminar neih hial nise an duh thu an sawi. Print Media te pawhin sap film Star entawn tlak loh zu rui, jail tang leh thil ho tak tak, Mizo thalaite tana entawn tlak lohte chu chhuah tawh lo  se an duh thu an sawi bawk.

 December thupui atan: Communal Harmony,  A hun  28th December,  2011 ruat a ni.