Central leh State Sorkar Department Media Unit hrang hrangte intelkhawmna, Inter-Media Publicity Co-Ordination Committee (IMPCC) chu vawiin khan PIB Media Centre-ah an thukhawm.

Vawiin thutkhawmah hian Department hrang hrang - All India Radio (AIR), Doordarshan Kendra, Press Information Bureau (PIB), Directorate of Field Publicity (DFP), Forest Department, Khadi and Village Industries Board (KVIB), Agriculture leh Directorate of Advertising & Visual Publicity (DAVP) ten tun thla chhunga an Department theuh hmalakna an sawi a, October thla chhunga IMPCC theme “Mitin tan faina” tih thupui hmanga mipui hnena fai inzirtir tura Department hrang hrang hmalakna sawiho a nih bakah, thla leh November ni 6 atanga ni 8 chhunga Kolasib District-a khaw pathum - Thingdawl, Hortoki leh North Bukpui khuaa Bharat Nirman Flagship Programme Public Information Campaign neih tur chungchang pawh sawiho a ni bawk.

Vawiin thutkhawm hi an Chairman PIB leh DD (News) hotu, Pu Mangjangam Touthang-in a kaihruai a, November thla thupui atan “Naupangte nun kawng dik kawhhmuh” tih an thlang a, IMPCC hi November ni 29 chawhnu dar 1-ah PIB Media Centre ah an thukhawm leh ang.