Vawiin khan Inter Media Publicity Co-ordination Committee (IMPCC) Meeting chu AIR Conference Hall-ah neih a ni a; Pu Mangjangam Touthang, Deputy Director, PIB-in a kaihruai. He hunah hian mi thar, Deputy Engineer, AIR, Aizawl-in a neih thar pawh a lo tel ve nghal a, IMPCC Member 14 vel an tel a ni.

IMPCC hi State tina Central Media aiawhte intawhkhawmna a ni ringawt lova, an awmna State-a Information & Public Relations Department te leh Department tina Media/Information Cell theuhte telin, Sorkar Laipuiin ram hmasawnna tur Programme a duante chak taka tihpuitlinna tura ram mipuite hnena puangzartu an ni a; State Sorkarin a ngaih pawimawh apiang leh ram mipuite tana hmasawnna hna an thawh apiangte puanzarna leh thawhhona a ni. Hei hi tunlaiin Sorkar Department ten an duh chuan nasa taka hman tangkai theih a ni. Entirnan Health Department emaw, Horiculture emaw, Vety Department te pawhin vantlang hriattir tura puanzar an duh apiang chu AIR leh DDK hotute hriattir nise, annin sawina hun (broadcast) tur fel tak lo siamsakin, ram chhung mipuite hnena an hmalakna an puangzar zel thei dawn a ni. Hei hi Eng Department tan pawh hman tangkai theih a ni a; DDK leh AIR hotuten lawm takin an lo buaipui zel thei tih hre thar turin Mizoram Sorkara Department tinten hria se an duh hle.

Tun July leh August thla chhung hian Ruahtui avanga harsatna (Disaster caused by heavy rainfall: landslide, flood etc) chungchanga hmalak a ni a; September thla thupui atan ‘Social Justice’ tih an thlang a ni. Hei hi ‘Vantlang mimirte tana dikna chanvo humhalhna’ ti pawhin kan sawi thei awm e. Mimal nun inzahsakna te, naupang, tar leh hmeichhia te, mitin nun hi a hlu a, Pathian chauh pek theih a ni. Hemi kawngah hian Mizoten thanharh kan mamawh hlein an hria a ni.

September 27, 2012-ah AIR Conference Hall-ah Meeting neih leh tur a ni e.