Vawiin ni 27.11.2017 hian Aizawl DC mawhphurhna la mektu Add. DC Pu John L.T Sanga hovin DC Conference Hall-ah Aizawl East & West Distict Task Force on Immunization sawihona neih a ni.
He meeting-ah hian hridanna leh hrileng vaina (Disense Surveillance) sawiho a ni a, hmasawnna kal zel dan tur rel ho a ni.
Routine Immunization bakah hian sawrkar laipui hmalakna bawhzuina Measles Rubella Campaign lo awm tur sawiho a ni a, he MR Campaign hi 2018 January a Mizoram-a neihna tura lo inruahmanna chi hrang hrang sawiho a ni bawk.
MR Campaign-ah hian naupang thla 9 atanga kum 15 la pumhlum lo zawng a huam a. He hridanna Measles (Sentut) leh Rubella (nau piansual leh nau chhiat thlentu) hi school-ah leh veng/khaw chhungah kar 3 campaign chhunga pek tum a ni.
He campaign hi a hlawhtlinna turin target hi 95 % tal pek tur a ni a, hetiang thlen tur hian hmalakna hrang hrangte District hotute’n DC hovin an sawiho a ni.
