No.1478/2021-2022

Dated Serchhip, the 20th July, 2021: Vawiin hian Serchhip DC Meeting Hall ah Bawrhsap Pu Kumar Abhishek, IAS hovin Head of Offices ten Independence Day vawi 75 na, thla leh ni 15 a lo thleng tur hman dan tur an rel.

Chairman Pu Kumar Abhishek chuan, kan boruak tawn mekte enin he ni lo thleng tur hi nikum ang thova Head of Offices leh media mite nena hman leh a tul dawn niin a lang a, thuneitu sang zawk atanga a hman dan tur ruahmanna pawh lo la kal thei a ni bawk. Chuvangin vawiinah rel mah ila a la dang lam leh thei a ni tih kan hre tlang dawn nia tiin thil awmzia a sawifiah hmasa a ni.

Meeting hian Independence Day hi DC Office tualah, zing dar 8:00 am ah, Head of Offices te leh media mite nena hman leh tha an ti a, kum dang ang bawkin he ni pual hian Homes, Hospitals leh Jail ah te thilpek pek leh ni se an ti. Khuallian tur hi sawrkar thuneitu sang atanga ruahmanna a awm beisei a ni a, parade contingent an awm dawn loh avangin khuallian hi Rashtrya Salute pek a ni thung ang. At home tea Party neih loh ni se an ti bawk.

Mawhphurhna leh chanvo pawimawh hrang hrangte sem fel nghal a ni.