1609/2022-2023
Siaha; the 15th August,2022: Dr. K.Beichhua, Minister of State for SW,AH&Vety etc. Dr.K.Beichhua chuan Independence Day lawmna programme a hman zawh ve leh DFA Playground, Meisatla a hawng. Playground hawn hnuah hian MADC hnuaia Group 'A' officers leh GoM hnuaia Head of Office ten Football Friendly Match khelin, Sial an inchawi a ni. He Sial hmang hian CEM Bangalow-ah zanriah an kilho nghal ang. MADC team hi an captain Pu K.Chhihrau, Executive Secretary in a hova, DC team hi Bawrhsap Pu Lalsangliana'n a ho thung a ni. Tichuan DC team in 5-1 in hnehna an chang ta a ni.

Vawiin Football friendly Match hi Minister Dr.K.Beichhua rawtchhuah a ni a. MADC hnuaia officer te leh GoM hnuaia officer ten inhmelhriatna tha zawk leh thawhona tha zawk an nei theih nana tih a ni.

Vawiin DFA Playground hawnna inkhawmah hian thu sawiin Minister chuan, khawvelin football a ngainep ngai lo, player hlawhtling te pawh nun vawng uluk leh ruihhlo in a tihbuai lohte an ni a. Kan ramah ruihhlo a hluar hle a, chutiang karah ruihhloin a tihbuai loh thalai tam tak ka hmu che u hi a phurawm hle a ni, a ti a. In nun ruihhlo leh zuk leh hmuamin a tichhiat phal lo ula, taksa leh rilru hrisel takin awm reng turin duhsakna ka hlan che u a ni, a ti.

Vawiin hawn tak DFA playground, Meisatla hi Greatsport Infra Pvt Ltd, Hyderabad ten an thawk a, Project Cost chu Rs 312.00 lakhs a ni. Court case a awm reng avangin project component thenkhat approach road, gallery etc te siam theih lohin a awm reng a, Court Judgement a chhuah tawh avangin heng hna te pawh hi thawk tura inbuatsaihna kalpui mek a ni.

Minister chuan DFA playground a hun a hman zawhah Independence Day lawmna pualin heng ah te hian thilpek a hlan hlawm a ni.

1. District Hospital Siaha, Rs 5000
2. Maraland Gospel Centenary Hospital, Rs 3000
3. Orphanage Boys Home, Rs 2500
4. Grace Children Home, Rs 2500
6. Kalvari Healing Ministry (Ruihhlo ngai enkawlna) Siahatlah, Rs 2500
7. District Jail Siaha, Rs 2500
8. House of Prayers for All Nation (HOPFAN), Rs 2500