India Independence Day Vawi 63-na chu Kawnpui khua ah lawmna Programme neih a ni in, Pu K.Lianzuala MLA, Chairman Mizoram KVI Board chu Khuallian a ni a, Hnam puanzar pawtpharh in Parade contingent hrang hrang chibai a chhanglet a ni.
Independence day lawmna Programme hi Kawnpui Playground No.2 ah Zing Dar 7:00 a neih tan a ni a, Khuallian Pu K.Lianzuala MLA chuan Independence Day thuchah sawiin "Khawvel a Democracy ram lian ber, India ram lo pian chhuah nana beitu, India Hnam Pa Mahatma Gandhi te, Pandit Jawaharlal Nehru leh hruaitu ropui tak takte kan hrereng a, Chawimawina lean hlan ani" a ti.
Pu K. Lianzuala chuan ram hmasawnna chungchang sawiin, Tlangram lo neih bansan anih theih nana Pu Lal Thanhawla sorkarin NLUP Programme a ruahman dan leh hemi atana senso tur Rs. Vaibelchhe 2873.13 Sorkar laipui in a rawn pawmpui tawh dan te. Mizoram a zirna tlahniam ta siamtha tur a din Education Reform Commission in sorkar a report an thehluh tawh dan te, Thalaiten rilru leh taksa hrisel an neih theih nan, thalaite pual a Sports Stadium leh Sports Academy din tur a hmalak a nih bakah Rajiv Gandhi Stadium sak mek a nih dante, A.R Grovnd a Artificial Grass phah tur a hmalak a nih dan te a sawi bawk.
Heng bakah hian mi harsa leh sorkar hnathawk ve lo chhungkua ten damdawi a inenkawlna senso an dawn ve theih nan, Health Care Scheme hmang tur a hma lak a nih dan te, a mamawhte hnenah ngei ram inpek anih theih nan a Family Land Record Survey neih a nih thu te, Electric Connection nei zo lo BPL chhungkua 27,417 te RGGVY hnuai atangin kumin chhung a Electric Connection pek an nih tur thute a sawi bawk.
Mizoram in kawng hrang hrang a hma a sawn theih nan hian Pu Lalthanhawla leh a kaihhruai sorkar in theih tawp a hma an lak dan chu chhuantlak a ni a, Remna leh muanna a awm theih nana Pu Lalthanhawla inpekna te chu thup theih a ni lova, khawvel hi a hretu an ni a ti bawk.
He Independence Day lawmna ah hian 1st I.R. Battalion Band Party bakah School Parade Contingent 12 telin Naik P.C. Lalthlamuana 1st IR Bn. Chu Parade Commander a ni. Chief Guest Nupui Pi Zothankimi'n Parade a titha te leh Lawmman hrang hrang a sem a, Pu K.Thanchungnunga President Jt. V.C. Kawnpui in lawmthu a sawi bawk.
Pu K. Lianzuala chuan ram hmasawnna chungchang sawiin, Tlangram lo neih bansan anih theih nana Pu Lal Thanhawla sorkarin NLUP Programme a ruahman dan leh hemi atana senso tur Rs. Vaibelchhe 2873.13 Sorkar laipui in a rawn pawmpui tawh dan te. Mizoram a zirna tlahniam ta siamtha tur a din Education Reform Commission in sorkar a report an thehluh tawh dan te, Thalaiten rilru leh taksa hrisel an neih theih nan, thalaite pual a Sports Stadium leh Sports Academy din tur a hmalak a nih bakah Rajiv Gandhi Stadium sak mek a nih dante, A.R Grovnd a Artificial Grass phah tur a hmalak a nih dan te a sawi bawk.
Heng bakah hian mi harsa leh sorkar hnathawk ve lo chhungkua ten damdawi a inenkawlna senso an dawn ve theih nan, Health Care Scheme hmang tur a hma lak a nih dan te, a mamawhte hnenah ngei ram inpek anih theih nan a Family Land Record Survey neih a nih thu te, Electric Connection nei zo lo BPL chhungkua 27,417 te RGGVY hnuai atangin kumin chhung a Electric Connection pek an nih tur thute a sawi bawk.
Mizoram in kawng hrang hrang a hma a sawn theih nan hian Pu Lalthanhawla leh a kaihhruai sorkar in theih tawp a hma an lak dan chu chhuantlak a ni a, Remna leh muanna a awm theih nana Pu Lalthanhawla inpekna te chu thup theih a ni lova, khawvel hi a hretu an ni a ti bawk.
He Independence Day lawmna ah hian 1st I.R. Battalion Band Party bakah School Parade Contingent 12 telin Naik P.C. Lalthlamuana 1st IR Bn. Chu Parade Commander a ni. Chief Guest Nupui Pi Zothankimi'n Parade a titha te leh Lawmman hrang hrang a sem a, Pu K.Thanchungnunga President Jt. V.C. Kawnpui in lawmthu a sawi bawk.
