Vawiin khan Pu John Rotluangliana Minister Food & Civil Supply, Transport, Tourism Bialtu MLA ni bawk chuan naktuk India Independence Day vawi 71 GSA Playground-a hmanpuia  hnam puanzar pawtpharh turin vawiin chawhnu khan Mamit thleng a,  Tourist Lodge Mamit ah Pi Lalbiaksangi District Bawrhsap leh Mamit a Department hrang hrang hotute bakah khawtlang hruaituten  lo dawngsawngin amah duhsakna an lo hlan a ni. 

Minister Pu John Rotluangliana lawmna pual hian Chhimveng YMA Hall-ah bialchhung mipuite nen inkhawm neih a ni a, Pu John-a chuan thusawiin a bialchhung mipuite chungah a damloh leh harsatna a tawh chhunga amah ngaihven a bang lova tawngtaipuitute chungah lawmthu a sawi a, an tawngtaipuina avanga an hma a ding leh thei a nih zia a sawi, a bialchhung duh anga a tlawh theih loh chhung zawngah mipuite phunnawi lova dawhtheih taka an lo awmna ah lawmthu a sawi bawk a ni. 

Transport Minister chuan tunhnaia Social Media a lar tak Vanchhawng Sumo a thu inziak chungchanga avanga ti ti lengvel tam tak ah ama mimal ngaihdan leh duhdana thil kaltir a nih lohthu sawiin dan tlawhchhana Department thuneihtuten hma an lak mai thu a sawifiah a ni. 

Pu John Rotluangliana Minister hi a nupui Pi Vanlalhruaii leh chhung leh khatte bakah Pu Lalramngaia P.S ten an tawiawm a ni.