India Independence Day vawi 67- na chu vawiin khan District Playground Saiha-ah ropui leh urhsun taka lawm a ni. He Ni lawmnaah hian Pu S.Hiato, Minister i/c P.H.E. etc chu khuallian a ni.

Zing dar 10 : 15Am  khan Khuallian Pu S.Hiato, Minister chuan hnam puanzar pawtparhin parade contingent te chibai achhanglet a, thu sawiin khuallian chuan, he ni ropui tak India ramin a hmuh theihna tura theihna zawng zawng lo sengtu kan hruaitu hmasate chu kan thinlungin a hre reng a zahna chibai kan buk thar leh a ni a ti.Indiaram leh Mizoramin hmasawnna kawnga hma nasa tak alak tawh thu sawiin, abikin Saiha District pawhin hma nasa takin a sawn a ni tiin sawrkarin hmasawnna tura hma alakna hrang hrang te a tarlang bawk. Mizoram sawrkar Flagship Programme N.L.U.P. chu 1st phase ah chhungkua 45139 ten an dawnga.He mi atana senso chu Rs 234.82 vbc a ni ati a 2nd phase ah chhungkua 45000 tuamin hemi atana senso chu Rs 286.28 vbc a ni ati bawk. 3rd phase hian chhungkua  29861 tuam lehin hemi atana senso chu Rs 29.86 vbc ruahman ani a ti bawk. 3rd leh 4th phase te hi September thla bul lama sem tur anih thu a sawi bawk. Kum 2010-2011 atanga kumin thlenga NLUP atan bika kan State resource pangngai piah lama Central Sawrkarin a bika summin pek hi Rs 1208.82 vbc a tlin tawh thu sawiin hemi bakah NLUP atana min thuamna RKVY hnuaiah Rs 231.92 vbc nikum thlenga kan dawn tawh thu leh kumin ah pawh Rs 124.81 vbc min pek belhchhah leh a ni ati a, hei bakah Chief Minister Special Scheme, mi chhumchhia te khai chhuahna turin Rs 20,000 theuh  sem tura ruahman anih thu a sawi bawk. NLUP hmalakna leh hmasawnna dangte avangin 11th Plan chhung  hian kan per capita income pawh Rs 50,956/- lai a tlingpha hian kan State in ei leh bar kawngah hma kan sawn chak zia ati lang hle a ni ati bawk. Saiha District chhung-ah NLUP Beneficiaries 4569 an awm thu tarlangin ala dawnglo te pawhin reilote ah an dawn ngei tur thu a sawi bawk. PHE Department chuan  Saiha Greater Water Supply Scheme chu hna 46 % an zawh tawh thu sawiin reilote-ah Tui hnianghnarkanneih theih a beisei thu a sawi bawk. Tuipang leh a chhehvel chawm tur Tuipang & Surrounding Areas Water Supply Scheme pawh hna 60 % zawh tawh a ni a ti a, District chhung hmun kilkhawr lam khaw 25 tui pek tawh niin khaw dang 10 tan hmalak mek ani ati bawk. Khualzin mite chawlhna tur heng khua Chakhang, Niawhtlang, Serkawr, Maubawk, New Laty, Zawngling, Phura leh Longmasu khua-ah te 90 % zawh tawh anih thu sawiin inkalpawhna kawng chungchang sawiin Chhuarlung-Ainak, Phura-Vahai leh Maisa - Lawngban te PMGSY atanga laih zawh tawh anih thu sawiin Tongkolong - Longmasu kawng pawh Tender fel vek anih thu a sawi bawk. Theiri-Tuisih, Serkawr-Tuipang ‘L’ leh Chhuarlung-Chakhang te pawh Blacktopping tur a Tender vek anih thu a sawi bawk. RMSA hnuaiah heng khua Tuipang ‘L’, Theiri, Niawhtlang, Tawmibawk leh Education Veng Saiha ah te High School din anih tawh thu sawiin building pawh Rs 48.00 lakhs theuh senga sak anih thu a sawi bawk. Navodaya Vidhyalaya School pawh Rs 14 vbc sengin Thingsenah sak chhoh mek ani ati a,SaihaCivilHospitalsakna tur DPR pawh Rs 18 vbc pawh pawm fel vek a ni ati bawk. Nursing School Rs 3 vbc senga sak mek anih thu a sawi bawk.UD&PA Department in District chhung chhungkaw 200 hnenah Insak tanpuina Rs 1,85,000/- a pek tawh thu leh Sports & Youth Affairs department in Saiha SSB rama Standard Field, Grass phah nghal turin a laih tan mek thu a sawi bawk.BRGF hmalakna a District chhung hmun hrang hrang a Community Hall,Playground, Godown, School,leh Hostel bakah Bazar shed hrang hrang sawrkar chuan a sa zo tawh a ni ati bawk.

Mara Autonomous District Council hnuaia hmalakna kawng hrang hrang te pawh tarlangin Lorrain Market, CEM Quarter, Revenue Officers Quarter, Main Secretariat Building bakah Student Hostel Aizawl-a sak turte pawh chak taka hma lak mek a ni ati bawk. Kaladan Multi Modal Project pawh chak taka kalpui mek anih thu sawiin Zallenna hi aman a to a, a hlu a, a tlo bawk tur a ni tiin mahni kutke a ding ngei thei turin taimakna, tawrhchhelna leh dikna a inthuam theuh tur leh kan sal tanna hrang hrang thatchhiatna, zelthelna leh a thlawna engkim hmuh tumna atanga chhuak theuh turin mipuite chu a sawm a ni.

Independence Day lawmna-ah hian Parade Contingents 20 awmin, Uniform Contingents-ah pakhatna M.R.H.G., pahnihna N.C.C. Donbosco School leh pathumna 2nd Bn. M.A.P. te an ni a. School Contingents-ah pakhatna Hill Gate High School, pahnihna G.H.S.S leh pathumna Foxall H.S.S. te an ni. Parade lawmmante hi khuallian hian a sem nghala Contingent zawng zawng te hnenah Consolation Prize a hlan nghal bawk. Independence Day lawmna chi khat atan Air Rifle Shooting Competion neih ani a, he competition ah hian pakhatna Tlanzara Hranglung niin pahnihna K.Lalrothara leh pathumna S.Zawsua te anni. Heng mite hnenah hian Khuallian chuan lawmman tangkafai leh thuziak (Citation) a hlan nghal bawk. Independence Day Football Final vawiin chawhnu dar 2 : 00 hian Model Football Club, New Saiha leh United Football Club, Saiha Vengpui ten an khel dawn ani. Sawmbikte puala Thingpui inhona “At Home” chu vawiin chawhnu dar 1:00 hian C.E.M. Bungalow-ah neih a ni ang. Independence Day lawmna pual hian District Jail, Damdawiin leh Hnuchhaminah te thilpek hlan a ni bawk.