Thian duhtak te u,

Vawiin India ram Independence Day vawi 80-naah hian Champhai District mipuite leh rampuma India khua leh tui zawng zawngte chibai ka buk a che u.

He hun ropui tak in zinga ka hmang thei hi ka lawm hle a, he hun hman a nih theih nana in inbuatsaihna leh in thawhrimna avangin lawmthu ka sawi a ni.

He hun lawmawm tak kan hman theih chhan hi kan ram tana zalenna sualchhuaktu huaisen tak tak te, harsatna leh natna dawn lova mipuite tana inpe te kha an ni a. Vawiin niah hian kan zavaiin an hnenah lawmthu a tharin sawi ila, zahna chibai I buk thar ang u.

Champhai District mipui te leh Independence Day lawmtu ram mipui zawng zawng te vawiinah hian ngen duh che u ka nei a. Ruihhlo lakah inthiarfihlim ula, vawikhat tihchhin loh hi damna a ni tih i hre reng ang u. Kan ram run mek tu ruihhlo dona kawngah kan zavaiin tangrual ila, kan zoram hi a lo dam a, kan hnam a lo him zel nan theihtawp i chhuah zel ang u.

India ram hian hma nasa takin kan sawn mek zel a, kum 1947 a zalenna kan neih khan ram rethei leh harsa tak mai kan ni a, amaherawhchu, vawiinah chuan ram hmasawn chak ber leh changkang ber pawl kan lo ni ta. Sawrkar hruaitute hna thawh that zarah leh mipuite tawiawmna zarah hriselna kawngah te, zirna kawngah te, eizawnna kawngah te leh thil dang tam takah India ram hian hma a sawn zel a, khawvel pum huapah pawh India ram hi a langsar em em tawh a ni.

Chutiang chuan Champhai District-ah pawh hian mipuite hamthatna atan hmalakna pawimawh tam tak a awm tawh a. Chung zinga Champhai District- a sawrkar hmalakna langsar zual tlem han sawi ila:

1. Deputy Commissioner's Office Champhai chuan, Champhai District chhunga mipui te tan theihtawp an chhuah a. Mipui te mamawh certificate hrang hrang DC office-in a pek chhuah thin Tribal, Residential leh a dangte chu kum 2026 chhungin 3507-an pe chhuak a, ILP-147 an pe chhuak tawh bawk a ni. India ram hmun hrang hranga Electoral Roll siamthat beihpui thlak mekna Special Intensive Revision 2026-ah pawh Champhai District chhunga BLO ten ngawrh takin May ni 30, 2026 atanga June ni 28, 2026 chhungin in tinah lut chhuakin Emnumertion Form an sem chhuak a. Draft Electoral Roll chu July ni 4, 2026 ah tarchhuah a lo ni tawh a. Tunah hian District Election Office-te chuan Draft Electoral Roll a siamthat leh siamrem ngai lai te ngawrh taka bawhzui mek zelin, Final Electoral Roll hi September ni 7, 2026-a tihchhuah tum a ni. District Transformation Programme-ah hian Champhai District tan cheng Nuai 90 hmuh a ni a, hemi atan hian DC Office chuan  Department hrang hrang DEO, DUDO, DSO, DHO te thawhpuiin, project hrang hrang heng – Lead, Rise, Sunsilk, Greenshield leh Grievance Redressal App te kalpui a ni a. Heng project hmang hian Champhai District chhunga loneitute leh zirlai te chawi kan a, mipui te harsatna hrang hrang sawrkar hnena awlsam taka thlen a nih theih nan chak taka hmalak mek a ni bawk a ni. DC Office Champhai chuan CSR kaltlangin Project LANU an kalpui a, District chhunga hmeichhia te chawikanna atan hma lak an ni te hi a lawmawm hle  ni.
2. Champhai District Police ten district chhunga mipuite himnan theihtawp chhuahin hma an la thin hi a lawmawm ka ti takzet a, tha thlah lovin an thawk a, kum khat liam ta chhung ringawtah pawh hian ruihhlo kaihhnawihah thubuai 148 ziaklutin, dan bawhchhia a pawikhawihtu mi 241 an man a. ruihhlo chi hrang hrang heroin, meth, crystal meth leh alprazolam kg 305 chuang an man pawh hi cheng vaibelchhe 193.13 hu lai a ni a. Mizoram Liquor Prohibition Act hnuaiah zu leh a kaihhnawihah mi 24 manin, kuhva tawlh ruk kg 1,29,535 (nuai khat, sing hnih, sang kua, za nga leh sawmthum panga) cheng nuai 453.3725 man hu an man bawk. Heng bakah hian Dan phal loha puak thei thil kawl leh tawlh ruk ching, ralthuam tawlhruk ching leh ramdang mi dan lova rawn lut mi engemawzat an man bawk a ni.. 
3. District Rural Development Office pawhin sawrkar scheme pawimawh chi hrang hrang an kalpui a, MGNREGA pawh kumin atangin VB G-RAM G tiin a hming an rawn thlak a, a kalphung pawh an thlak nual a ni. VB G-RAM G hnuaiah hian April – July 2026 chhungin ni 42 hlawh siam tawh a ni a, PMKSY hnuaiah hna tam tak zawh tawh a ni a, SHG a tel chhungkuate DDUGKY scheme hnuaiah training pek an ni a, an zinga 93% chuan hna an hmu tawh. 
4. Local Administration Department Champhai chuan kum 2026-2027 chhung hian 15th Finance Commission kaltlanga kum 2025-2026 a pawisa an hmuh (untied grants leh tied grants) chu hmasawnna hnathawh nan Village Council-te hnenah an lo sem chhuak tawh a, RGSA hnuaiah Champhai District chhunga Murlen leh Hruaikawn V/C House ( Panchayat Bhavan) sak nan cheng nuai 20 ve ve an lo pe tawh bawk a ni.
5. District Agriculture Office, Champhai chuan MIZORAM BANA KAIH (HANDHOLDING) SCHEME hnuaiah sawhthing quintal 88,000 an hralhchhuak a, support price cheng vaibelchhe 4.27 lai an pe chhuak tawh a ni. Kumin chhungin National Food Security & Nutrition Mission (NFSNM) hnuaiah vaimim chi tha kg 1500 leh buh chi tha kg 680 loneitute hnenah an pe chhuak tawh bawk a. National Mission on Edible Oil hnuaiah tung chi pack 1500 leh nihawichi kg 300 an semchhuak tawh bawk a ni. Sub Mission on Agricultural Mechanization hnuaiah 2026 chhungin loneitu pawl hrang hrang 20 hnenah tractor thar hlan a ni tawh bawk a, Soil Health Card siam nan lei sample 3,358 lak a ni bawk a ni. Lei tha siamna hmun bio-resource centre hmun 9 lai ah siam niin, warehouse hi Selam, Ngur leh Vaphaiah te din a ni bawk a ni.
6. District Horticulture Office, Champhai chuan Bana Kaih scheme hnuaiah CM Special Package Phase II kaltlangin mi 29 te hnenah hamthatna an pe tawh a, RKVY-DPR leh Mizoram District Transformation Programme hnuaiah DC Office nen tangkawpin District hmun hrang hrangah greenhouse 35 an sa a, an tui lakna turte leh an leitha mamawhte pawh pekchhuah thin a ni bawk. ‘Sustainable Ginger Cultivation & Value Chain Development Project’ chu kan Chief Minister zahawm tak leh Union Minister for DoNER ten kumin May thla khan an hawng a, sawhthing tharchhuah kan sawngbawl kawngah pawh nasa taka hma kan sawn phah ngei a rinawm a ni. Chumai bakah MIDH leh NEC Funded project te hmangin thei nasa zawka chinna leh kan thei thar chhuah te mumal leh tha zawka sawngbawlna kawngah hmasawnna a kal zel bawk a ni
7. District Fisheries Development Office, Champhai chuan Bana Kaih (Flagship programme) hnuaiah CM Special Package mi 34 hnenah an pechhuak tawh a, progress partner te tan cheng 12,50,000 (nuai sawmpahnih, sing hnih leh sang nga) pekchhuah tawh a ni bawk a, Pradhan Mantri Matsya Sampada Yojana Scheme (PMMSY) hnuaiah sangha dil nei thar tur te leh nei tawh te tanpui nan leh hmasawn nan sum fai tam tak an lo pe chhuak tawh bawk a ni. MzSRLM te nen tangkawpin Self Help Group member 18 te hnenah an sangha tharchhuah te tha zawka sawngbawl dan zirtirna an pe tawh bawk a ni.
8. District Sericulture Office, Champhai chuan District Transformation Programme hnuaiah DC Office nen tangkawpin Project Sunsilk hnuaiah khaw panga - Ngur, Hmunhmeltha, Dilkawn, Khawbung leh Zokhawthara pangang khawitute tan buhchium dah thatna (deep freezer) pakhat theuh an pe a, Ngur khuaa Ngausih zau pangang khawitute tan Solar lighting system 3kV dah sak an ni bawk. Department hian pangang khawitu 417 enkawl mekin pangang enkawl nana an mamawh hrang hrang te a pe reng bawk a ni.
9. District A.H & Vety. Department, Champhai chuan Bana kaih hnuaiah mi 15 te pilot project atan an thlang chhuak tawh a, C.M Special Package dawng turin mi 26 an approve tawh bawk a. African Swine Fever tuar tu te hnenah kum 2022 atang khan mi 599 hnenah zangnadawmna pawisa fai tam tham tak pek chhuah tawh a ni.
10. Champhai Forest Division, Environment, Forest & Climate Change Department chuan 2025- 2026 chhung hian sawrkar scheme hrang hrang kaltlangin ramngaw leh nungcha humhalh kawngah hma an la a, Compensatory Afforestation Management Fund Planning Authority (CAMPA) hnuaiah ramngaw siamthat (restoration) te, awareness campaign te, thing phun te an kalpui a, kangmei chhuak tur ven nana hma la tha khua te hnenah lawmman an hlan thin bawk a ni. Kan chhehvel nungcha te venhim nan Nature Learning Centre din a ni a, Indo – Myanmar ramri a nungcha te diklo taka lei leh hralh an ni thin do leta, tihreh a nih theih nan Champhai Tlangsamah Satellite Wildlife Rescue Centre an din bawk.
11. District Education Office, Champhai chuan NSCBAV hnuaiah Girls hostel pahnih  - Champhai Vengthlangah elementary school zirlai mi 50 awm theihna leh Khawbungah secondary school zirlai mi 30 awm theihna an sa mek a, Samagara Shiksha hmalakna in kan district chhunga school awm tawh sa te thuam chak a thawm that an ni a, sawrkar school a naupang lut zawng zawng te hnenah RTE behchhanin zirai bu a thlawna pek chhuah ni bawkin, school uniform pawh a thlawnin pek an ni bawk a ni. PM POSHAN Scheme (Mid Day-Meal) hnuaiah School 147-ah naupang 10,983 hnenah nitin chawchhun pek an ni bawk. 
12. GNM School Champhai chuan Mizoram Nursing Council (MNC) tehna hrang hrang paltlangin, Mizoram Nursing Council Exam, July 2025 a neih ah pawh zirlai naupang 100% an pass bawk a ni.
13. Govt. Champhai College chu Mizorama sawrkar enkawl college zinga stream ngah ber niin, PM-USHA Scheme hnuaiah building thar cheng vaibelchhe 3.7 man sak thar a ni bawk.
14. DIET Champhaiah November ni 26, 2025 khan hmeichhe zirlai 42 leng thei tur Girls’ Hostel thar hawn a ni a. PARAKH Rashtriya Sarvekshan (PRS) 2024 chungchangah District-Level Dissemination & Training neih niin, SAFES examination monitoring leh FLS 2026 tana trial test neih tel a ni. 
15. District Hospital Champhai chuan March 2026 khan CT Scan khawl an hmang tan a, District Hospital-ah hian nu naupai leh nau neih vanga boral an awm lo te hi thawktu te inpekna tilang chiangtu pakhat a ni a. Mizoram Universal Health Care Scheme (MUHCS) hnuaiah hian damlo 4,320 ten anmahni pawisa seng lovin inenkawlna an dawng tawh bawk a ni.
16. Revenue Branch, DC Office Champhai chuan kum 2026-2027 financial year chhungin chhiah hi cheng nuaih 84.70 an lakhawm a, chu chuan an target hi cheng nuaih 16.11 in a khum a ni. Ministry of Rural Development  hmalakna Digital India Land  Modernization Programme (DILRMP) pawh chak takin Revenue Branch hian an kalpui a, e-Ram portal ah Records of Rights ( RoRs) 3,058 upload a, approve tawh a ni bawk. Revenue Branch hian LSC 559, House Pass 236, Periodic Patta 41, Land Lease 14, Huan ram LSC 6, ram ṭhenna 85, ram pass siam ṭhatna 12 an tichhuak a. Property registration atangin Cheng Vaibelchhe 1.15 sawrkar sumah an chhung lut tawh a ni.
17. Taxation Department chuan sawrkar chhiah hrang hrang a laknaah hma an sawn hle a, kum kalta khan cheng nuai 1351.30  khawn chhuakin an target cheng nuai  965.60 chu cheng nuai 385.71 in an khum a ni.
18. Irrigation & Water Resources Department, Champhai Division chuan PMKSY-SMI hmasawnna hna pawimawh tak tak an thawk a. Phaizau Ground Water Irrigation Project pawh cheng nuai 161.25 sengin kumin February thla khan hlawhtling takin an siam zova, Solar-Powered Water Pumping System hmangin loneitute hnenah tui an pe mek a ni. SASCI hnuaiah Ngur-Vapar Rainwater Harvesting Project kawng siamna tur leh Bulfekzawl, Leisenzo leh Sesih ruama Tiau River Anti-Erosion Scheme for Protection of Agricultural Land dilna sawrkarin min pawmsak tawh a, reiloteah a hmin tura beisei a ni. 
19. Land Resources, Soil & Water Conservation Department, Champhai Range chuan leilung leh tui humhalhna hna hrang hrang thawkin, kum kalta chhung khan N. Khawbungah Water Harvesting Tank pahnih leh Gabionic Checkdam pahnih siam a ni a. Beneficiary pakhat hnenah pipe hmanga tui lakna pek a ni. Tlangsam khuaah Gabionic Checkdam 10, Doughout Pit 2 leh Contour Stagger Trench 6 te siam a ni bawk. Hemi mai bakah Keilungliah Zau, Champhaiah tui lian laka ram humhalhna turin Protection Wall meter 135 a sang sak a ni.
20. Legal Metrology Department chuan 2025–2026 khan bukna leh tehna hmanrua 117 leh Water Meter 2,248 te enfiahin, dan bawhchhia retailer 8 man an ni a. General Weight & Measure dan bawhchhia mi 43 chu dan angin pawisa chawi tira hrem an ni a, LPG phur truck 224 leh POL phur tanker 250 enfiahin, dan kalha lak luh contraband cigarette packet nuai 6 chuang an man bawk a ni.
21. District Cooperation Office, Champhai chuan Bana Kaih (Hand-Holding) Scheme kaltlangin Leisenzo M-PACS Ltd chu pilot progress partner ah an thlang a, NCDC hnuaiah sumfai tanpuina cheng nuai 30 dawng tura hma lakpui mek an ni.  NCDC Regional Awards for Cooperative Excellence and Merit, 2025 ah Champhai atangin cooperative society pahnih Champhai Bethel Women M-PACS Ltd. leh Best Primary Credit Cooperative (PACS) te chuan category hrangah pakhatna leh pahnihna lawmman an dawng hi ka lawmpuiin ka chhuang takzet a, society dangte pawhin lawman dawng pha ngei tura tan la zel turin ka chah bawk a ni.
22. District Information & Public Relations Office, Champhai chuan Champhai District chhunga thil thleng pawimawh tak tak te chu Mizoram mipui hmuh theih turin Press Release leh thlalak leh video hmangin an thehdarh thin a, mipuite hriattur sawrkar thu pawimawh, hriattirna leh zirtirna pawimawh tak takte chu chanchinbu hrang hrang leh cable TV bakah social media kaltlangin an tarlang thin a, informed-citizen kan nihna kawngah an thawhhlawk hle a ni.
23. Excise & Narcotics Department chuan MLP Act’19 hnuaiah sawrkar kum kalta chhung khan mi 173 manin thubuai 221 ziahluh a ni a, rakzu hi 3432 litres man a ni a, beer can 3221 man a ni bawk. NDPS act’ 85 huaiah mi 116 manin thubuai 101 ziahluh a ni a, Heroin kg 9.312 manin Meth kg 129.610 man a ni bawk. Ruihhlo dona kawngah nasa lehzuala kan tan tlan a pawimawh hle in ka hria.
24. UD&PA Department chuan faina lama sawrkar hmalakna lian tak, Swaach Bharat Mission te leh insak tanpuina - Housing for All PMAY(U) a kalpui a. Swachh Bharat Mission (Urban 2.0) hnuaiah hmalakna hrang hrang- Safai Aapnao Bhimari Bhagao Campaign (SABB Campaign, 2025 - Adopt Cleanliness and Drive Away Disease), Safai Aapnao Bhimari Bhagao Campaign (SABB Campaign, 2025 - Adopt Cleanliness and Drive Away Disease) te an kalpui a. PMAY(U) HFA hnuaiah Champhai District a beneficiary awm zawng zawng hi 9,133 an ni.
25. WCD Department hian nunau chawikanna turin hmalakna tha tak tak an nei a, Mission Saksham Anganwadi and Poshan 2.0 hnuaiah Anganwadi Centre 144 awmin, beneficiary mi 8,175 an awm mek a. MGRENGA nena thawhhona atangin Anganwadi center 5 hawn thar a ni bawk. 
26. Kawlphetha mumal tak kan neih theihnan Power & Electricity Department chuan theihtawp an chhuah a, ruah, thlipui leh leimin bakah kangmei vangte in kan power line leh thirbante a chhe fo thin a, hengah hian P&E hnuaia thawktuten zan khawthim hnuaiah zanrei leh thlipui ruahpui pawh thlu lovin nunna thap tak meuh meuhin a siam that hna an thawk thin a, an fakawm takzet a ni. Mipuiten awlsam zawka Electric bill leh a kaihhnawih an chinfel theihna turin UGO-PEDM Software chu Mizoram leh Sub-Division zawng zawngah hman ni tawhin, Mipuite inhrilhhriatna leh inkawmhona programme Seva Parv te , Smart Meter Pakhwada te chu hmun hrang hrangah neih a ni a. Power supply tihchakna atan 6.3 MVA Power Transformer thar chu 132/33kV Sub-Station, Keifangtlang, Champhai dah a ni a. Khuangleng Ginger Processing Plant tan electric supply hman theih turin an commission tawh a. SASCI Scheme hnuaiah line tihthatna leh tihchangtlungna hna hrang hrangte chu hlawhtling taka zawh fel a ni tawh bawk a ni.
27. PHE Department hian NABARD-RIDF-XXIX hnuaiah Ruantlang Water Supply Scheme (Solar pumping) sak hna chu an zo fel tawh a, AMRUT 2.0 hnuaia Greater Champhai Water Supply Scheme siamthat hna thawh mek zel a ni a. Swachh Bharat Mission - Grameen hnuaiah mimal inah inthiarna 233 siamin vantlang tan Vaphai-ah Community Sanitary Complex sak mek a ni bawk.
28. PWD chuan Mizoram luhka leh khual chhawntu District pawimawh tak kan nih angin inkalpawhna țha neih a țul hle a. Executive Engineer, Champhai Division chuan kawng siam leh thawmthat hna an thawk thin a. Kum liam ta chhung khan kawngpui laih hna Km 6, Black Topping hna Km 23.619 thawh zawh niin. Lirthei tlan tamna hmuna kawngpuite tih chak nan leh tui luankawr tha tak neih nan Culvert 7 siam a ni a, kawngpui enkawlna 20 Rms thawh a ni bawk a ni.
29. District Social Welfare Office (DSWO), Champhai hnuaiah kum kalta chhung khan ruang 36 phurhna cheng ₹2,93,880 sem a ni a. Children With Special Needs (CWS) rualbanlote hming 114 Directorate-ah thawn a ni tawh a; State Disability Pension (thla tin ₹500 dawng) mi 9 leh Educated Unemployment Allowance (thla tin ₹650 dawng) mi 3 an nei a ni. Atal Vayo Abhyuday Yojana (AVYAY) hnuaiah kum upate dikna chanvo hriatzauna hmun 4-ah an nei a. Rashtriya Vayoshri Yojana (RVY) hnuaiah ALIMCO nen ṭangkawpin kum upat vanga harsatna neite tan hmanrua- wheelchair, beng dar, tarmit leh ha lem te sem tur enfiahna camp neih niin, hengte hi a thlawna semna hun an nei bawk a ni.
30. District Civil Supplies Office, Champhai chuan tualchhunga nitin mamawh (Essential Commodities) chi hrang hrang man (rate) hi uluk takin an vil reng a. Chung zingah chuan Petrol leh Diesel te khaihlak awm lo turin filling station te stock vil reng a ni. PMUY scheme hnuaiah Free Gas Connection mipui ten an neih theih nan hmalakna kalpui chhunzawm reng a ni. Furpui laia buhfai supply lama harsatna a thlen loh nan thla hnih ei chhek khawlsa a ni bawk. Central Government bul tumin ramri atanga raltlan te tan buhfai a thlawnin mi pakhatah kg 35 theuh pek chhuah a ni a, a vaiin Buhfai qtls 4,460 sem chhuah tawh a ni.
31. Commerce & Industries Department hnuaia District Industries Centre, Champhai chuan theihtawpin tan a la ve reng a, Mizoram Sorkar Flagship Program tihhlawhtlin nan Department chuan theihtawp chhuahin, Banakaih hi Prime Minister’s Employment Guarantee Programme (PMEGP) leh Pradhan Mantri Formalisation of Micro Food Processing Enterprise (PMFME) te nen kaihkawpa kalpui (convergence) a ni a. Champhai District-ah MSPCC in Loan hmu thei tura Progress Partner a thlan tawh mi 8 an awm a, Loan sanction tawh zawng zawng hi cheng nuai 77 a ni. Border Trade hmasawnnan Cheng vaibelchhe 15 sengin LCS Zokhawthar tih hmasawnna hna chu zawh tawh niin, SBI atangin ATM pawh dah a ni tawh bawk a ni. Hun reiloteah sumdawnna hi mumal taka kalpui thuai beisei a ni. 

Tuna kan han tarlan tak te kha hmasawnna tlangpui chauh a ni a, tarlan loh thil dang tam tak pawh a awm tih ka sawi duh a. Mizoram sawrkar chuan Champhai leh ram mipui zawng zawng te hmasawnna atan theihtawp a chhuah zel dawn a. Hmasawnna hna thawh tawh na a sawrkar mipui ten an thawhpui tawhna zawng zawngah lawmthu ka sawi duh a, hmasawnna lo thleng mek leh lo awm leh zel turah pawh in thawhpuina leh tawiawmna ka ngen nghal bawk a ni.

Champhai District vul zel rawh se.

Ka lawm e. Jai Hind.