No.460/2021-2022

Aizawl, 10th May, 2021 : Sorkar laipui ruahmanna anga India Independence Day Vawi 75-na lawmna ‘Azaadi Ka Amrut Mahotsav India at 75’ hman mekah vawiin nileng khan Art & Culture Department leh Higher & Technical Education Department-te buatsaih Online Seminar on First War of Independence 1857 chu ZOOM hmanga neih a ni a. He seminar hi Government Aizawl College-in a thleng (host) a ni.

Chawhma lamah Seminar hawnna inkhawm neih niin Govt. Aizawl College Principal Prof. C. Sangluaii’n a kaihhruai a. Higher & Technical Education Department Director Pi Nazuk Kumar in Keynote Address a sawi a, Art & Culture Department Joint Director Pi Carol VLMS Dawngkimi’n hun tawpah lawmthu a sawi a ni.

Chawhnu lamah Govt. Aizawl College-a History Department zirtirtute hnen atangin First War of Independence 1857 chungchanga thuziak pahnih ngaihthlak a ni a. Chawhnu lam inkhawm hi Govt. Aizawl College-a History Department-a Associate Professor Pu Lalbiakzuala’n a kaihruai a ni.

‘Azaadi Ka Amrut Mahotsav India at 75’ seminar hawnna inkhawmah hian Govt. Aizawl College-a Eco Club-in ‘Leilung Mawina’ tih thupuia hmanga thlalak intihsiak a buatsaiha lawmman latute leh GAC COVID 19 Committee-in GAC Blue Sky Contest a buatsaih a lawmman latute hming puan a ni bawk a ni.