1313/2023-2024

Aizawl, the 30th July 2023: Commonwealth Parliamentary Association India Region Zone III, 20th Annual Conference, 28th July, 2023 -1st August chhunga Shillong, Meghalaya-a neih ah  Speaker Pu Lalrinliana Sailo a tel a. He hunah hian Deputy Speaker, Pu H. Biakzaua leh Mizoram Legislative Assembly Secretariat Commissioner & Secretary Pu Lalhmahruaia Zote bakah Officials țhenkhat te an tel bawk a ni.

CPA Zone III Conference-ah hian Executive Commitee Meeting neih a ni a. Thupui pahnih - 'Natural Disasters and Strategies for management with special reference to North East India' leh 'Regional Connectivity to bring North East Region at par with mainland India', te chu sawi ho a ni.

Speaker Pu Lalrinliana Sailo chuan North East India chu khuarel chhiatna hrang hrang in min nuai țhin thu sawiin, chutiang hrang hrang lo thleng țhinte laka inveng turin CPA India Region Zone III member-te țanrual a ngaih thu a sawi a. United Nations Sustainable Development Goals signatory kan nih angin, hmasawnna kawng kan zawhnaah hian, tun hun atan mai ni lo, chhuan lo awm leh zel turte ngaihtuah chunga hmasawnna hna thawh a țulziate bakah; chutianga hma kan lak chuan kan ramngaw te awmze nei takin kan humhalh thei zel dawn a ni tihte a sawi a ni.

Manipur tualchhung buaina vangin mi tam takin Mizoram an pan a. Mizoram Sawrkar chuan a theih ang angin a tuamhlawm reng a. Zohnahthlak unaute harsatnaah hian Mizoram Sawrkar chu a tlanchhe dawn lo  tih a sawi a. Kan ram chhung ngeia buaina a punlun zel leh kan Indian puiten heti khawpa an tawrhna hi haider lova, theihtawpa pui turin CPA Zone III members te a sawm bawk a ni.

Deputy Speaker Pu H. Biakzaua pawhin thu a sawi a. North East India in mainland India tluka hma a sawn theih na turin connectivity țha kan neih a țul zia a sawi a. Hmasawnna thleng tur chuan inkalpawhna țha neih angai a. Chumi tur chuan Central Sawrkarin kawng hrang hrangah hmalakna a nei a. Kaladan Multi-Modal Transit Transport Project leh National Highway 54  zauh  in North East India tana hmasawnna a thlen theih tur zia te a tarlang a ni.

Chutih rualin, Environmental Impact Assessment ngai pawimawh lova hna thawh te hian chhiatna tamtak a thlen avangin ngaihpawimawh a țulzia a sawi a. Hemi piahlamah hian, Information and Communication Technology lama hmasawnna a pawimawh zia te, Union Budget in ngaihtuah hmasak tur pasarih (7 priorities) a tarlan zingah, 'Inclusive Development' leh 'Reaching the last mile' te an tel a, chuvangin kan policy te, kan hmasawnna thawh te hian huapzo se, hmun kilkhawr ber pawh thleng zel se a duhawm zia a sawi bawk a ni.

6th – 8th February, 2024 ah CPA India Region Zone III Executive Meeting hi Mizoram a neih turin ruahman a ni.