Vawiin ni 12th January 2012 hian DC’s Conference Hall, Mamit ah Pu A. Biaklawma Additional DC Mamit kaihhruaina-in kumin 2012 India Republic Day hman dan tur rel a ni.

He meeting-ah hian kumin India Republic Day chu Mamit GSA khelmualah zing dar 10:00 ah lawmna buatsaih ni se. Khuallian tur hian sawrkar lamin ruat bik a neih loh chuan District Bawrhsap chu khuallian ni se. Parade Contingent turte ruat niin kum dang zawng aia Rehearsal neih that ni se tih te rel a ni a. He meeting-ah hian Republic Day lawmna a hlawhtlin theih nan Department hrang hrang te chanpual tur ruat fel a ni bawk.

India Republic Day 2012 lawmna hunah hian District huam chhunga mi hlawhtlingte, National Level a 1st atanga 3rd thleng leh State Level a Gold Medalist te chawimawina hlan nise tih te rel a ni bawk.

He meeting ah hian Mamit khawpui chhunga Department hrang hrang te leh tlawmngai pawl hruaitute, chanchinbumite an tel tha hle a ni.