No.3808/2021-2022

Aizawl, the 26th January 2022: Vawiin khan ram chhung hmun dangte rualin DC Office kawtzawl Lunglei ah India Republic Day vawi - 73 na ropui taka lawm a ni. Pu Kulothungan A, IAS Lunglei Deputy Commissioner chu khuallian a ni.

Zing ni chhuah rualin Lunglei District chhunga sawrkar Pisa hrang hrangah India Hnam Puanzar zar niin a lawmna pui ber chu zing dar 8:00 a.m ah neih tan a ni. Pu Kulothungan A chuan hnam puanzar pawtparhin 2nd Battalion MAP ten hnam puanzar chibai an buk chu a chhanglet a ni.

Khuallian Pu Kulothungan A chuan Lunglei District mipuite chu Republic Day chibai bukin India khua leh tuite tan zalenna sual chhuak tu ram hruaitu hmasate zahna chibai a buk bawk a. Kan ram Dan Bu (Constitution of India) siam leh hman tanna ni ah hian he Dan Bu ropuina leh hlutna hre chhuak thar leh theuh ila tiin Lunglei DC chuan mitin te kan dikna leh chanvo humhalh saka kan awm hi kan vannei takzet a ni, a ti. India khua leh tui zawng zawng ten kan ram Dan ropuina leh zahawmna vawng him turin tih ve tur (Fundamental Duties) kan kova innghat te kan hlenchhuah ve a tul takzet a ni, a ti bawk.

Lunglei DC chuan Republic Day thuchah sawiin District chhunga hmasawnna hna thawh hrang hrang a tarlang a ni.

Kumin financial year chhungin HPC Lunglei chuan line department 7 kaltlangin project 37 Cheng nuai 400 chuang man a thawk a ni. 2021-22 chungin Lunglei District ah case 124 ziahluh tawh niin chargesheet 101 thehluh tawh a ni. Lunglei District chhunga VC area 48 ah Village Defense Party (VDP) Neih mek a ni. DRDA Lunglei hnuaiah Cheng nuai 6,446.37 dawn tawh niin inhlawhna ni 92 siam tawh a ni. H&FW chu Covid-19 do kawngah a hmatawngah awmin test nuai khat chuang an kalpui tawh a ni. Kuminah AH&Vety Department hnuaiah ran damlo 14,809 enkawl tawh niin vaccine 5882 pek chhuah tawh a ni. Samagra Siksha hnuaiah Gov’t Tlabung High School chu Tlabung Higher Secondary School (Science stream) ah hlan kai niin zirlai 25,792 chu Mid Day Meal pek an ni. PWD, Lunglei Road Division-I chuan PMGSY Project 13 a enkawl mek a ni. LWS Maintenance Division chuan chhungkaw 385 hnenah New House Water Connection pe chhuakin Rural Watsan Division chuan Buarpui, N Mualthuam, Chhipphir, Ralvawng leh Zotuitlang ah te solar pump a bun a ni. Pradhan Mantri Awas Yojana - Housing for All (Urban) hnuaiah chhungkaw 792 thlanchhuah an ni. 2021 chhungin District Transport Officer chuan lirthei 1924 an register a ni. National Food Security Act, (NFSA) 2013 hnuaiah Lunglei Districtah beneficiary 1,19,371 an awm a ni. District Research Officer, Economics & Statistics chuan 842 Births/Deaths Certificates kumin chhung khan a pe chhuak a ni. Extension Training Centre (SIRD & PR), Pukpui, Lunglei chuan 2021-22 chhungin training program 25 an kalpui a ni.

Heng bakah hian Lunglei District chhunga Department dang hmalakna tlangpui a tarlang bawk. Lunglei DC chuan Covid-19 hrileng do kawngah sawrkar department-te, VLTF, NGO, media, kohhran leh District mipuite tangrualin theihtawp i chhuah chhunzawm zel ang u tiin CAB uluk taka zawm tur leh SOP inkaihhruaina te tha taka zawm chhunzawm zel turin District mipuite a sawm a ni.

Republic Day 2022 lawmna ah hian Lunglei Cleanliness Competition under Swachh Survekshan hnuaia category hrang hranga lawmman dawngtute hnenah lawmman hlan a ni bawk

Cleanliness Competition in Lunglei Town 2021
Swachh Rankings

Category 1. Govt. Offices
1st Prize : District Rural Development Agency (DRDA)
2nd Prize : District Co-operative Office
3rd Prize : Divisional Forest Officer Office

Category 2. Market
1st Prize : Rahsi Veng
2nd Prize : Serkawn
3rd Prize : 3-Gate

Category 3. High School & Above
1st Prize : Govt. High School, Pukpui
2nd Prize : Govt. Higher Secondary School, Lunglei
3rd Prize : 2nd Bn. MAP School, Luangmual

Category 3. Hotels
1st Prize : Tourist Lodge, Zotlang
2nd Prize : Hotel Malawm
3rd Prize : Hotel Ono

Category 4. Hospitals
1st Prize : Civil Hospital, Lunglei
2nd Prize : Christian Hospital, Serkawn
3rd Prize : Hope Hospital, Lunglei

Category 6. Locality (Veng) - General
1st Prize : Salem Veng
2nd Prize : Zohnuai
3rd Prize : Luangmual

Category 7. Locality (Veng) - Commercial area
1st Prize : Chanmari
2nd Prize : Rahsi Veng
3rd Prize : Serkawn