Vawiin khan India ram hmun dangte rualin Hnahthialah pawh India Independent Day 67-na ropui taka lawm a ni a. Pu John Siamkunga S. Tuipui bialtu MLA chu khuallian a ni.

He hunah hian khuallian Pu John Siamkunga chuan thu sawiin India zalenna sualtute hming lam riin an inpekna avanga vawiin thleng thei kan nih thu leh zah tur kan nih thu a sawi a. India chuan kum 66 chhung hian hmasawnna tam tak neiin tunah phei chuan India ram chu khawvela ram hmasawn chak ber 3 zingah kan lang ta hial a ni, a ti. Power ah te, Education lamah te nasa takin hma a sawn a, mi retheite ngaihtuahna tur programme hrang hrangte siamin hma a la nasa hle a ni a ti bawk. Mizoramah pawh nasa takin hmasawnna hmel kan hmu a, infiamna lamah pawh kum 2016 Oympic-ah pawh mizo thalai a tam thei ang ber an tel theih nan hmalak mek a ni bawk a ni a ti bawk. NLUP kal chhoh pui a ni a, Cabinet Comt on Economic Affairs in cheng vaibelchhe 2873 min pe a, tunah hian vaibelchh 1200 vel kan hmang tawh a, vaibelchhe 1600 vel hman bang a la awm a ni tiin hengte hi NLUP dawng tawh te, dawng mek leh dawng leh turte tan a ni tiin Mizoram hi Economics lama kan than loh chuan changkanni hmel kan hmu dawn lo tih hriain hma lak a ni a, ei leh in tur kan thar chhuahte pawh a lo pung chho ve zel a ni tiin khuallian hian a bial South Tuipui-a hmasawnna hrang hrang hnathawh tawh, thawh mek leh thawh leh tur hmachhawp awm mek te tarlangin theihtawpin bial hmasawn nan hian hma lak mek a ni, a ti bawk.

Khuallian thu sawi hnu hian Parade Contingent 19 te chibai chhang letin Gov't M/S chuan Cheraw lam an entir a, School naupangte hnenah Sweet semna neih a ni bawk. Hemi hnu hian khuallian chuan March Past tithate hnenah lawmman a sem nghal a, hetiang hi March past result a ni. 1st - St. Stephen's School (Girl) 2nd - Nuchhungi English Medium School (Boy) 3rd - T.S High School (Girls) Chawhnu dar 2:00 ah Independent Day Football Tournament Final Model S/C leh Electric S/C ten an khel a ni.