Nimin a Mizoram Youth Commission huaihawt a Indian Airforce ten St.Paul Higher Secondary School; Helen Lowry Higer Secondary School leh Zirtiri Residential Science College naupangte hnenah Indian Airfocre tanglai Corporal S.Ravi Kumar leh A.R Prathap ten a hmun a kal chilhin Indian Air Force a luh dan kawng an kawh hmuh hnuin vawiinah pawh MICE leh Synod Higer Secondary School ah te beihpui an thlak chhunzawm zel.

Vawiin hian Mizoram Youth Commission Secretary Pu J.T.Vanlalngheta’n heng Indian Air Force te hi hruaiin MICE leh Synod Higer Secondary School te an tlawh a; zirtirtuten an lo dawng sawng tha in naupangte pawhin an ngaihven hle a ni. naktukah hian Guwahati lamah an haw leh rih dawn a ni.

Tarlan tawh angin nikumah khan hetiang tho hian Awareness Campaign hi an lo nei tawh a, naupang 7 laiin Indian Air Force hi an zawm nghe nghe a ni. Kuminah phei chuan beiseina sang tak an nei a ni.Heng Air Force rawn kalte pawh hian chipchiar thei ang berin Air Force a luh theih dan naupangte hnenah an zirtir a, an hman tangkai tur booklet, leaflet etc. te School hotute hnenah an hnut chhiah zel bawk a ni.

Heng Air Force te hian Youth Coommission Chairman Pu Hmingdailova Khiangte an tlawh nghal a an hmalak nate thlirin hmalak zel dan turte an sawi ho nghal a. Hei bakah hian Addl.DC Pu A.Biaklawma, MBSE President leh Secretary te bakah I&PR Deputy Director, Pu Lalsiama Fambawl te an tlawh bawk.

Mizoram Youth Commission Secretary Pu J.T.Vanlalngheta’n heng Air Force Official te hi a hruai hlawm a ni.