Tunkar chhung awh tur,  Singapore khawpuia  2nd Singapore International Water Week and the Water Leaders Summit neih meka tel, Chief Minister Pu Lal Thanhawla chu vawiin chawhma khan  Indian Business Forum ah khuallian a ni.

Chief Minister chuan kawng tam takah investment Mizoramah a tih theih thu sawiin, hemi lam rawn thlithlai turin kalkhawmte chu a sawm a. Tunlai khawvel thlirin, renchem taka tui kan hman a tul thu uar takin a sawi bawk a ni. He Forumah hian Dr.Yaacob Ibrahim, Singapore Minister for Environment and Water Resources te, Sri Lanka Minister for Water resources, Rajasthan leh Bihar Minister for PHE te, Indian High Commissioner to Singapore te leh Company hrang hrang atanga an President leh Chief Executive Officer te an tel a. Arunachal Pradesh Governorin thu sawina hun a hmang bawk a ni.

Chief Minister hi Singapore a Mizo awm ten vawiinah meeting neih puiin, chawhlui an kil pui ang a. Naktukah Singapore Indian Chamber of Commerce intawhkhawmah a tel bawk ang.