Vawiin chhun dar 12:00 khan Pu Hmingdailova Khiangte M.L.A, Chairman, Mizoram Youth Commission pisa-ah Indian Language Institute and Skill Development Training Centre din nana Periodic Patta inhlanna hun hman a ni.

Mizoram Youth Commission chuan a dintirh atangin thalaite hamthat nan theih tawpin hma a la zel a. Mizo mipui leh thalaite khawvel thar chhawp chhuah sakna zinga pakhat ni turin Mizoram Youth Commission chuan Muallungthu khuaah Indian Language Institute and Skill Development Training Centre din turin chak takin hma a la mek a.

He Institute din nan hian Pu H. Vanlalruata, Muallungthu chuan a ram a lo pe tawh a. He a ram pek hi original Periodic Patta inhlanna hun an hmang a, a ram petu Pu H Vanlalruata hnen atangin he original patta hi Mizoram Youth Commission Chairman Pu Hmingdailova Khiangte, M.L.A-in original patta chu a dawng a ni. Inhlanna lehkhaah Pu J.T. Vanlalngheta, Secretary, Mizoram Youth Commission leh Pu H. Vanlalruata ten an hming an ziak bawk. Hetiang a kan thalaite hmasawn na tur leh Mizoram tan a mi thilphal kan nei hi Mizoram Youth Commission chuan lawmawm a tiin a chhuang takzet a ni. He programme ah hian VC member, Muallungthu ten an rawn tawiawm a, MYC member lam atangin Pu R. Ramhmangaiha pawh a lo tel bawk.